ផ្សារហ៊ុននៅតំបន់អាសុីធ្លាក់ថ្លៃ ខណៈមូលបត្របំណុលងើបឡើងថ្លៃ

ដោយ: គង់ លាងហួរ
សិង្ហបុរី: ផ្សារហ៊ុននៅតំបន់អាស៊ីបានធ្លាក់ថ្លៃនៅថ្ងៃអង្គារនេះ ហើយការស្ទុះងើបឡើងពីកិច្ចខិតខំប្រឹងប្រែងរបស់ទីក្រុងប៉េកាំងដើម្បីគាំទ្រដល់ភាគហ៊ុនបានធ្លាក់ចុះ ខណៈមូលបត្របំណុលបានងើបឡើងថ្លៃ។

សន្ទស្សន៍ភាគហ៊ុនអាស៊ីប៉ាស៊ីហ្វិកដ៏ទូលំទូលាយរបស់ក្រុមហ៊ុនMSCI នៅក្រៅប្រទេសជប៉ុនបានងើបឡើងថ្លៃ០,៤% ដូច នឹង ផ្សារហ៊ុនជប៉ុន Nikkei។

កាលពីចុងសប្តាហ៍ ប្រទេសចិនបានប្រកាសកាត់បន្ថយពន្ធលើការជួញដូរភាគហ៊ុនចំនួនពាក់កណ្តាល ហើយកាលពីថ្ងៃសុក្រ ទីក្រុងប៉េកាំងបានអនុម័តគោលការណ៍ណែនាំមួយចំនួនសម្រាប់លំនៅដ្ឋានដែលមានតម្លៃសមរម្យ។

ផ្សារហ៊ុន Hang Seng របស់ទីក្រុងហុងកុងបានងើបឡើងថ្លៃទាបជាង១ភាគរយនៅពេលបិទ កាលពីថ្ងៃចន្ទ ហើយបានងើបឡើង១ភាគរយនៅក្នុងការជួញដូរដំបូងនៅថ្ងៃអង្គារនេះ។

ផ្សារហ៊ុនបន្ទះឈីបពណ៌ខៀវរបស់ប្រទេសចិនបានស្ថិតក្នុងសភាពទ្រឹង ហើយខែសីហានេះត្រូវបានគេកំណត់ថា នឹងបំបែកកំណត់ត្រាសម្រាប់លំហូរចាកចេញរបស់អ្នកវិនិយោគបរទេសពីផ្សារហ៊ុនចិន។

ភាគហ៊ុនរបស់ប្រទេសនូវែលសេឡង់នៅក្នុងក្រុមហ៊ុន Tourism Holdings បានហក់ឡើងថ្លៃ១៣ភាគរយ បន្ទាប់ពីក្រុមហ៊ុននេះបានរាយការណ៍ពីប្រាក់ចំណេញជាមូលដ្ឋាន។

ផលប័ត្ររតនាគាររយៈពេលពីរឆ្នាំរបស់សហរដ្ឋអាមេរិកបានធ្លាក់ចុះ៦,៥ពិន្ទុមូលដ្ឋាន (bps) ដល់៤,៩៨៥ភាគរយ និងផលបត្ររតនាគាររយៈពេល១០ឆ្នាំបានធ្លាក់ចុះ៣ពិន្ទុមូលដ្ឋាន (bps) ទៅដល់៤,១៨៤ភាគរយ៕