ដោយ: គង់ លាងហួរ
អន្តរជាតិ: តម្លៃមាសស្ថិតក្នុងភាពមិនច្បាស់លាស់ក្នុងការជួញដូរនៅតំបន់អាស៊ី ខណៈពាណិជ្ជករកំពុងត្រៀមខ្លួនសម្រាប់ការដំឡើងអត្រាការប្រាក់ រួមជាមួយនឹងតម្រុយគោលនយោបាយរូបិយវត្ថុពីធនាគារកណ្តាលសហរដ្ឋអាមេរិកក្នុងរយៈពេលពីរថ្ងៃបន្ទាប់។
មាស Spot Gold បានងើបឡើងថ្លៃ០,២% ដល់១៩៥៨,២០ដុល្លារ ក្នុងមួយអោនត្រឹមម៉ោង 0119 GMT ខណៈដែលតម្លៃមាសរបស់សហរដ្ឋអាមេរិកU.S. gold futures បានធ្លាក់ចុះ០,១% ដល់១៩៥៩,៩០ដុល្លារក្នុងមួយអោន។
សន្ទស្សន៍ប្រាក់ដុល្លារអាមេរិកបានងើបឡើងដល់ចំណុចកំពូលរយៈពេលជិត២សប្តាហ៍ ខណៈដែលប្រាក់ដុល្លារកាន់តែរឹងមាំធ្វើឱ្យមាសមានតម្លៃថ្លៃសម្រាប់អ្នកទិញដែលកាន់រូបិយប័ណ្ណផ្សេងទៀត។
ធនាគារ Federal Reserve និងធនាគារ European Central Bank នឹងដំឡើងការប្រាក់បន្ថែមចំនួន២៥ពិន្ទុមូលដ្ឋាន ដូច្នេះគ្រប់ចក្ខុនឹងផ្តោតទៅលើអ្វីដែលប្រធានធនាគារ Fed គឺលោក Jerome Powell និងប្រធានធនាគារ ECB លោកស្រី Christine Lagarde និយាយបញ្ជាក់អំពីអនាគត និងកិច្ចប្រជុំខែកញ្ញា។
តម្លៃ Spot silver បានងើបឡើង០,២% ដល់២៤,៤២ដុល្លារ ក្នុងមួយអោន ផ្លាទីនបានងើបឡើងថ្លៃ០,៣% ដល់៩៥៩,៥៤ដុល្លារក្នុងមួយអោន ខណៈ palladium បានងើបឡើងថ្លៃ០,៩% ដល់១២៨១,៨៦ដុល្លារក្នុងមួយអោន៕