ដោយៈ ម៉ាលីនណា
ភ្នំពេញៈ ថ្លៃកម្រៃជើងសាររបស់លោក អ្នកនឹងបានទៅអង្គភាពផ្សេងៗគ្នា ដែលមានតួនាទីនៅក្នុងទីផ្សារមូលបត្រ។
ការធ្វើបែបនេះ វានឹងជួយទ្រទ្រង់ប្រតិបត្តិការ ដល់រចនាសម្ព័ន្ធប្រព័ន្ធជួញដូរ និងមុខងារផ្សេងៗរបស់ទីផ្សារមូលបត្រទាំងមូល។ កម្រៃជើងសារ នឹងត្រូវគិតតែនៅពេលបញ្ជារបស់លោក អ្នកត្រូវបានផ្គូផ្គងជោគជ័យតែប៉ុណ្ណោះ។
រាល់មូលបត្រទាំងអស់ដែលបានចុះបញ្ជីនៅផ.ម.ក. ត្រូវបានរក្សាទុក ក្នុងទម្រង់អេឡិចត្រូនិច នៅប្រតិបត្តិកររក្សារទុកមូលបត្ររបស់ផ.ម.ក. ដែលនៅទីនោះ សន្តិសុខសុវត្ថិភាពនៃព័ត៌មានត្រូវបានធានាយ៉ាងខ្ពស់។
វាស្រដៀងគ្នា ទៅនឹងការផ្ញើប្រាក់របស់លោក អ្នកនៅធនាគារដែរ ដែលនៅទីនោះ ព័ត៌មានអំពីកម្មសិទ្ធិប្រាក់របស់លោក អ្នកត្រូវបានរក្សាទុកប្រកប ដោយសុវត្ថិភាព លើកលែងម្យ៉ាង គឺលោកអ្នកមិនអាចដកមូលបត្ររបស់លោក អ្នកមកកាន់កាប់ក្នុងទម្រង់ ជាក្រដាសបានឡើយ។
ការផ្ទេរកម្មសិទ្ធិ នឹងត្រូវធ្វើឡើងនៅក្នុងប្រព័ន្ធ តាមរយៈការផ្ទេររវាងគណនី (book-entry system), គឺស្រដៀងគ្នានឹងការផ្ទេរលុយនៅក្នុងធនាគាមួយដូច្នោះដែរ៕