ដោយ៖ ឆយ តូច
អន្តរជាតិ៖ ប្រភពពីរដ្ឋាភិបាលជប៉ុន បានឱ្យដឹងថា ជប៉ុន និងចិនត្រូវបានរំពឹងថានឹងចុះកិច្ចព្រមព្រមពៀង ដើម្បីដាក់ដំណើរការជើងហោះហើរឡើងវិញសម្រាប់ទាំងអ្នកជំនួញរយៈពេលខ្លី និងរយៈពេលវែង។
ប្រទេសទាំងពីរកំពុងទន្ទឹងរង់ចាំដើម្បីស្តារសេដ្ឋកិច្ចដែលរងគ្រោះដោយជំងឺរាតត្បាតរបស់ខ្លួន តាមរយៈការចាប់ផ្តើមអាជីវកម្មទ្វេភាគីឡើងវិញ។
យោងតាមអង្គការទេសចរណ៍ជាតិរបស់ជប៉ុន បានឱ្យដឹងថា ប្រជាជនចិនប្រមាណ ៩.៥៩ លាននាក់បានមកទស្សនាប្រទេសជប៉ុនក្នុងឆ្នាំ ២០១៩ ដែលក្នុងនោះមានប្រហែល ៣៧០,០០០ ជាអ្នកអាជីវកម្មទាំងខ្នាតធំនៅប្រទេស និងតំបន់ទាំងអស់។
លោក Katsunobu Kato ប្រធានខុទ្ទកាល័យគណៈរដ្ឋមន្ត្រី បានប្រាប់សន្និសីទកាសែតកាលពីថ្ងៃអង្គារថា “ជប៉ុន និងចិនគឺជាប្រទេសជិតខាងដ៏សំខាន់បំផុត ហើយជើងហោះហើរទៅវិញទៅមករវាងប្រទេសទាំងពីរមានច្រើនជើង មុនពេលមានការផ្ទុះឡើងនៃកូវីដ១៩”។
លោក Kato បាននិយាយថា “វាមានសារៈសំខាន់ខ្លាំងណាស់ដែលការផ្លាស់ប្តូរសេដ្ឋកិច្ច (រវាងជប៉ុននិងចិន) ដើម្បីវិលត្រឡប់ទៅរកផ្លូវងើបឡើងវិញតាមរយៈការបន្តការធ្វើដំណើរជើងហោះហើរឡើងវិញ”។
លោក បាននិយាយថា មន្រ្តីជប៉ុន និងចិនបានធ្វើការចរចាចាប់តាំងពីខែកក្កដា ដើម្បីបើកព្រំដែនទៅវិញទៅមក ដោយសារចំនួននៃការឆ្លងទាបនៅក្នុងប្រទេសរបស់ពួកគេ។
នាយករដ្ឋមន្ត្រី Yoshihide Suga និងប្រធានាធិបតីចិនលោកស៊ី ជីនពីង បានព្រមព្រៀងតាមទូរស័ព្ទលើកដំបូងរបស់ពួកគេនៅខែកញ្ញា ដើម្បីបន្តកិច្ចពិភាក្សា ដោយសង្ឃឹមថានឹងទទួលបានការបន្តដំណើរការជើងហោះហើរបែបអាជីវកម្មយ៉ាងឆាប់រហ័ស៕