កម្ពុជាទទួលបានភ្ញៀវជាតិនិងអន្តរជាតិជាង១លាននាក់ក្នុងអំឡុងពិធីបុណ្យចូលឆ្នាំចិន

ដោយ: គង់ លាងហួរ

ភ្នំពេញ: រដ្ឋមន្ត្រីក្រសួងទេសចរណ៍ លោក ថោង ខុន បានមានប្រសាសន៍ នៅថ្ងៃពុធនេះ ថា ប្រទេសកម្ពុជាបានទទួលភ្ញៀវទេសចរក្នុងស្រុក និងបរទេសប្រមាណ១,០៤លាននាក់ ក្នុងអំឡុងពេលប្រារព្ធពិធីបុណ្យចូលឆ្នាំចិន។

លោក ថោង ខុន បានឱ្យដឹងនៅក្នុងរបាយការណ៍មួយថា ភ្ញៀវក្នុងស្រុកប្រហែល១លាននាក់ និងជនបរទេសចំនួន៤២.០៥៦នាក់ បានធ្វើដំណើរក្នុងប្រទេសកម្ពុជា ក្នុងអំឡុងពេលពិធីបុណ្យចូលឆ្នាំចិន ចាប់ពីថ្ងៃទី២១ ខែមករា រហូតដល់ថ្ងៃទី២៤ ខែមករា។

លោក ថោង ខុន បាន​បន្ត​ថា តំបន់​ទេសចរណ៍​កំពូល​ចំនួន​៣របស់​ប្រទេស​កម្ពុជា រួមមាន ខេត្ត​ព្រះសីហនុ  ខេត្ត​សៀមរាប និង​ខេត្ត​បាត់ដំបង។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោក​បាន​បញ្ជាក់ថា​“សម្រាប់​ភ្ញៀវ​ទេសចរ​ទៅ​កាន់ខេត្ត​ព្រះសីហនុ​ ភាគច្រើន​ពួកគេធ្វើ​ដំណើរ​ នៅ​ពេល​ព្រឹក ហើយ​ត្រឡប់​មក​ផ្ទះ​វិញ​ នៅ​ពេល​ល្ងាច​ ដោយ​ធ្វើ​ដំណើរ​តាម​ផ្លូវ​ល្បឿន​លឿន​ភ្នំពេញ​-​ព្រះសីហនុ​។

លោកបានបន្ថែមថា “សន្តិសុខ សុវត្ថិភាព និងសណ្តាប់ធ្នាប់សាធារណៈក្នុងពិធីបុណ្យត្រូវបានរក្សាបានយ៉ាងល្អ និងមិនមានបញ្ហាអ្វីគួរឲ្យកត់សម្គាល់ ក្នុងអំឡុងពេលប្រារព្ធពិធីបុណ្យនេះនោះទេ”។

ទោះបីជាពិធីបុណ្យចូលឆ្នាំចិនមិនមែនជាថ្ងៃឈប់សម្រាកផ្លូវការ នៅក្នុងប្រទេសកម្ពុជាយ៉ាងណាក្តី ប៉ុន្តែពិធីនេះត្រូវបានប្រារព្ធយ៉ាងទូលំទូលាយនៅក្នុងប្រទេសកម្ពុជាផងដែរ៕

LEAVE A REPLY

Please enter your comment!
Please enter your name here