ដោយៈ សាវង្ស
ភ្នំពេញៈ ការវិនិយោគលើផ្សារភាគហ៊ុន ឬផ្សារមូលបត្រកម្ពុជា បានផ្តល់អត្ថប្រយោជន៍ច្រើន អាស្រ័យលើសមត្ថភាព លទ្ឋភាពរបស់អ្នកមាន និងសមត្ថភាពក្នុងការវិភាគលើការប្រែប្រួលរបស់ទីផ្សារ។
យើងសូមលើកយកអត្ថប្រយោជន៍សំខាន់ៗចំនូន៣ សម្រាប់មិត្តអ្នកអានយកមកពិចារណា។
ទី១ ម្ចាស់ភាគហ៊ុន
នៅពេលដែលវិនិយោគិនម្នាក់ទិញភាគហ៊ុន ពីក្រុមហ៊ុនចុះបញ្ជីលក់ភាគហ៊ុនណាមួយ គាត់នឹងទទួលបានភាព ជាម្ចាស់កម្មសិទ្ធិមួយផ្នែក នៅក្នុងក្រុមហ៊ុននោះ។ គាត់មានសិទ្ធិ ក្នុងការបោះឆ្នោតលើគោលនយោបាយនៃក្រុមហ៊ុននោះ ឬចូលរួមក្នុងការបោះឆ្នោតជ្រើសរើស ក្រុមប្រឹក្សាភិបាលនៅក្នុងក្រុមហ៊ុន ព្រមទាំងចូលរួមទទួល នូវការចែករំលែកភាពជោគជ័យ ឬបរាជ័យនៃអាជីវកម្មរបស់ក្រុមហ៊ុនជាដើម។
ទី២ ចំណូលខ្ពស់
ការវិនិយោគលើភាគហ៊ុនជារឿយៗ ផ្ដល់ឲ្យវិនិយោគិននូវចំណូលខ្ពស់បើប្រៀបទៅនឹងការវិនិយោគលើវិស័យផ្សេងៗទៀត។
ទី៣ មធ្យោបាយក្នុងការបែងចែកការវិនិយោគ
ការវិនិយោគលើភាគហ៊ុន គឺជាមធ្យោបាយដ៏ល្អមួយ សម្រាប់វិនិយោគិន ក្នុងបែងចែកការវិនិយោគរបស់គាត់៕
