ដោយ:លាងហួរ
ពិភពលោក: ការធ្លាក់ចុះនៃតម្លៃភាគហ៊ុន និងការធ្លាក់ចុះនៃកំណើនសេដ្ឋកិច្ចពិភពលោក កំពុងធ្វើឱ្យមានចក្ខុវិស័យ សម្រាប់ប្រាក់ចំណូលនៅធនាគារវិនិយោគពិភពលោកដាំក្បាលចុះខាងខ្លាំង។
បញ្ហានេះកើតមានឡើង បន្ទាប់ពីការចំណាយប្រាក់ទៅលើការទប់ស្កាត់ជំងឺរាតត្បាតដោយរដ្ឋាភិបាល និងធនាគារកណ្តាលបានជំរុញឱ្យមានការធ្លាក់ចុះនៅឆ្នាំ២០២១។
សង្គ្រាមនៅអ៊ុយក្រែន និងការរឹតបន្តឹងរូបិយវត្ថុ បាននាំឱ្យមានការប្រែប្រួលនៅក្នុងទីផ្សារហិរញ្ញវត្ថុនៅឆ្នាំ២០២២នេះ។
ទិន្នន័យពីDealogicបានបង្ហាញថា ប្រាក់ចំណូលសុទ្ធរបស់ធនាគារវិនិយោគសកល បានធ្លាក់ចុះដល់៣៥,៦ពាន់លានដុល្លារ ពីមួយឆ្នាំទៅមួយឆ្នាំ ពោលគឺធ្លាក់ចុះជិត៣៨% ពី៥៧,៤ពាន់លានដុល្លារ ក្នុងរយៈពេលដូចគ្នាកាលពីឆ្នាំ២០២១។
សម្រាប់ឆ្នាំ២០២១ បើគិតជាចំណូលសុទ្ធ របស់ធនាគារវិនិយោគសកលមានចំនួន១៣២ពាន់លានដុល្លារ។
ធនាគារ Credit Suisse បានព្រមានកាលពីថ្ងៃពុធថា ស្ថានភាពទីផ្សារដ៏លំបាក កម្រិតទាបនៃការចេញទីផ្សារមូលធន និងការបន្តបញ្ចេញឥណទាន បាននាំឱ្យដំណើរការហិរញ្ញវត្ថុ នៃផ្នែកវិនិយោគរបស់ខ្លួនបរាជ័យ។
ធនាគារ Credit Suisse បានព្រមានពីការខាតបង់ ក្នុងត្រីមាសទីពីរឆ្នាំ២០២២ ដោយសារធនាគារនេះ បានខាតបង់ប្រាក់រាប់ពាន់លានដុល្លារក្នុងឆ្នាំ២០២១ តាមរយៈការវិនិយោគបរាជ័យ បូករួមទាំងផលប៉ះពាល់នៃករណីផ្លូវច្បាប់ជាច្រើន៕