មោទនភាពជាតិខ្មែរ! កម្ពុជាឈរនៅលំដាប់ទី ១ ជាប្រទេសមានប្រជាជនរួសរាយបំផុតលើពិភពលោក

ដោយ ហ្សូលី

សៀមរាប: ប្រទេសកម្ពុជាមានកិត្តិយសទទួលបានចំណាត់ថ្នាក់កំពូលលំដាប់ទី ១ ក្នុងចំណោមប្រទេសទាំង ១០លើពិភពលោក ដែលមានប្រជាពលរដ្ឋរួសរាយរាក់ទាក់បំផុត។ នេះបើតាមព័ត៌មានរបស់ស្ថាប័ន My International Movers ។

ស្ថាប័ន My International Movers បានអោយដឹងថា កម្ពុជាជាប់លំដាប់កំពូលទី១ ជាប្រទេសដែលមានប្រជាជនរួសរាយរាក់ទាក់បំផុតក្នុងពិភពលោក។ ភ្ញៀវទេសចរទាំងក្នុងស្រុក ទាំងបរទេសបានប្រមូលផ្ដុំគ្នាមើលថ្ងៃរះ នៅបរិវេណប្រាសាទអង្គរវត្ត ខេត្តសៀមរាប។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ក្នុងពេលថ្មីៗនេះ គេហទំព័រដដែលបានឲ្យដឹងថា ប្រទេសកម្ពុជាគឺជាប្រទេសមួយនៅក្នុងតំបន់អាស៊ីអាគ្នេយ៍ និងកំពុង ក្លាយជាឋានសួគ៌សម្រាប់ភ្ញៀវទេសចរយ៉ាងសន្សឹមៗ។

ផ្អែកតាមទិន្នន័យដែលទទួលបានមាន ៩២ ទៅ៩៦ ភាគរយទៅហើយ នៃភ្ញៀវទេសចរបរទេស បានយល់ស្របទៅនឹងចំណាត់ថ្នាក់នេះដែលថា ប្រជាជនកម្ពុជាពិតជាមានភាពរួសរាយ រាក់ទាក់ ចំពោះអ្នកមកពីចម្ងាយ ឬជនបរទេស។ ប្រជាពលរដ្ឋកម្ពុជាតែងតែត្រៀមខ្លួនសម្រាប់ជួយដល់មនុស្សគ្រប់គ្នា ព្រមទាំងស្វាគមន៍ យ៉ាងកក់ក្ដៅ និងមានភាពអត់ធ្មត់។

ក្រៅតែពីការមកកម្សាន្ដនៅតំបន់ឆ្នេរសមុទ្រដ៏ស្រស់ស្អាត រាជធានីភ្នំពេញ និងកន្លែងជាច្រើនផ្សេងទៀតហើយនោះ ភ្ញៀវទេសចរបរទេសក៏មិនអាចមើលរំលងបានឡើយនូវតំបន់រមណីយដ្ឋានអង្គរដែលជា គោលដៅទេសចរណ៍ទី១ ដែលភ្ញៀវទេសចរបរទេសចង់ទៅកម្សាន្ដបំផុត៕

LEAVE A REPLY

Please enter your comment!
Please enter your name here