ដោយ៖ ម៉ាណេត
ភ្នំពេញៈ ដើម្បីអភិវឌ្ឍន៏ប្រទេសជាតិឱ្យរីកចំរើន ការបង់ពន្ធគឺមានសារៈសំខាន់ណាស់ ពីព្រោះការបង់ពន្ធគឺជាកត្តាចំបងដែលជាចំណែកធំក្នុងថវិការជាតិ ។ ការបង់ពន្ធមានច្រើនប្រភេទហើយប្រភេទនីមួយៗមានរបៀបបង់ខុសៗគ្នា។
បច្ចុប្បន្ននេះការបង់ពន្ធត្រូវបានផ្លាស់ប្ដូរពីរបបប៉ាន់ស្មានទៅជាការបង់ពន្ធរបបស្វ័យប្រកាស។
សម្រាប់អ្នកជាប់ពន្ធតូចគឺជា សហគ្រាសឯកបុគ្គល ឬសហគ្រាសសហកម្មសិទ្ធិ ដែល៖
ក. មានផលរបរប្រចាំឆ្នាំចាប់ពី២៥០លានរៀល ដល់៧០០លានរៀល ឬ
ខ.មានផលរបរក្នុងរយៈពេល បីខែជាប់គ្នាណាមួយ ដែលបញ្ចប់ក្នុងឆ្នាំប្រតិទិនចរន្ត ចាប់ពី ៦០លានរៀលឡើងទៅ ឬ
គ. រំពឺងថាមានផលរបរក្នុងរយៈពេលបីខែខាងមុខចាប់ពី ៦០លានរៀលឡើងទៅ ឬ
ឃ. ចូលរួមដេញថ្លៃ ពិគ្រោះថ្លៃ ឬស្ទង់ថ្លៃក្នុងការផ្គត់ផ្គង់ទំនិញ ឬសេវា រួមទាំងភាស៊ី។
បន្ទាប់ពីរបបម៉ៅការត្រូវបានលុបបំបាត់ក្នុងឆ្នាំ២០១៦អាជីវកម្មដ្ឋានដែលមានផលរបរក្រោម២៥០លានរៀលក្នុងមួយឆ្នាំបានទទួលការលើទឹកចិត្តពន្ធពីរាជរដ្ឋាភិបាលដោយមិនតម្រូវឱ្យមានការបង់ពន្ធទៀតឡើយ។
ប៉ុន្តែអាជីវកម្មដ្ឋានទាំងនោះ ក៏មានកាតព្វកិច្ចមកចុះបញ្ជី នៅរដ្ឋបាលសារពើពន្ធ (សាខាពន្ធដារខេត្ត–ខណ្ឌ)ផងដែរ ជាមួយនឹងកម្រៃសេវាចុះបញ្ជីត្រឹមតែ ២០ ០០០រៀល ប៉ុណ្ណោះ៕
