ស្ថាប័នចំនួនពីរ ចាប់ដៃគ្នាក្នុងការនាំយកស្តង់ដារប្រយុទ្ធប្រឆាំងនឹងការសម្អតប្រាក់មកកាន់ទីផ្សារកម្ពុជា

ដោយ៖ ម៉ាណេត
ភ្នំពេញ៖ ក្រុមហ៊ុនបច្ចេកវិទ្យា Napier បានប្រកាសថា វេទិកាបច្ចេកវិទ្យាប្រយុទ្ធប្រឆាំងនឹងការសម្អតប្រាក់របស់ខ្លួន នឹងរួមបញ្ចូលជាមួយកម្មវិធីទូទាត់ប្រាក់តាម mPOS / SoftPOS ថ្មីរបស់ក្រុមហ៊ុន Clik ខណៈការសហការគ្នានេះនឹងនាំយកស្តង់ដារប្រយុទ្ធប្រឆាំងនឹងការសម្អតប្រាក់មកកាន់ទីផ្សារកម្ពុជា។ នេះបើតាមយោងតាមសេចក្តីប្រកាសព័ត៌របស់ក្រុមហ៊ុននៅថ្ងៃទី៩ ខែកញ្ញា ឆ្នាំ២០២០។

ក្រុមហ៊ុន Clik ដែលមានមូលដ្ឋាននៅប្រទេសកម្ពុជា មានបំណងផ្លាស់ប្តូរការទូទាត់ទៅជាបទពិសោធសុវត្ថិភាពសាមញ្ញ និងងាយស្រួល។ ដូច្នេះ ក្រុមហ៊ុនផ្តល់ជូននូវកម្មវិធីទូទាត់ ដែលមានសមត្ថភាពដំណើរការទូទាត់តាមប្រព័ន្ធឌីជីថល និងផ្តល់ឱ្យនូវការយល់ដឹងសំខាន់ៗ។

ដោយមានបំណងស្ថិតនៅជួរមុខនៃការប្រយុទ្ធប្រឆាំងការសម្អាតប្រាក់ នឹងហិរញ្ញប្បទានភេរវកម្ម ក្រុមហ៊ុន Clik បានចាត់ទុកក្រុមហ៊ុន Napier ជាអ្នករកវិធី ដើម្បីតាមដាន និងកំណត់សកម្មភាពគួរឱ្យសង្ស័យក្នុងការទូទាត់ណាមួយ។ ដូច្នោះហើយ វេទិកាឆ្លាតវៃ (Intelligent Compliance Platform) របស់ក្រុមហ៊ុន Napier នាំមកនូវការត្រួតពិនិត្យប្រតិបត្តិការសាច់ប្រាក់ និងការស្គាល់ទិន្នន័យអតិថិជនរបស់អ្នក (KYC) ដែលអនុញ្ញាតឱ្យអាជីវកម្មរកឃើញសកម្មភាពគួរឱ្យសង្ស័យ និងអនុលោមតាមកាតព្វកិច្ចបទប្បញ្ញត្តិ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

សរុបមក ក្រុមហ៊ុន Napier និងក្រុមហ៊ុន Clik ស្ថិតក្នុងទីតាំងមួយក្នុងការបំពេញតាមតម្រូវការរបស់និយតករ ហើយពួកគេកំពុងដើរតួនាទីរបស់ពួកគេក្នុងការប្រយុទ្ធប្រឆាំងនឹងឧក្រិដ្ឋកម្មហិរញ្ញវត្ថុ៕

LEAVE A REPLY

Please enter your comment!
Please enter your name here