ដោយៈសុផារី
អន្តរជាតិៈ Bitcoin ដែលជារូបិយប័ណ្ណឌីជីថលដ៏ធំបំផុត និងល្បីល្បាញបំផុតរបស់ពិភពលោក បានធ្លាក់ចុះជាង៤ភាគរយ កាលពីថ្ងៃអង្គារ ដោយតម្លៃបានបន្តការធ្លាក់ចុះរហូតពេញមួយសប្តាហ៍។ នេះបើតាមការរាយការណ៍របស់កាសែតរ៉យទ័រ ក្នុងថ្ងៃនេះ។
តម្លៃBitcoin បានធ្លាក់ចុះដល់$៦០,៣៥០ ដែលជាកម្រិតទាបបំផុតរបស់ខ្លួនសម្រាប់រយៈពេលត្រឹមមួយថ្ងៃ ដោយធ្លាក់ពីកម្រិតខ្ពស់បំផុត$៦៩,០០០ កាលពីថ្ងៃទី១០ ខែវិច្ឆិកា។
ចំណែក Ether ដែលជារូបិយប័ណ្ណឌីជីថលធំជាងគេទីពីរ គិតតាមតម្លៃទីផ្សារ ក៏បានធ្លាក់ចុះ៤,៥ភាគរយនៅត្រឹម៤,៣៥៥.៤ដុល្លារ។
អ្នកវិភាគរូបិយប័ណ្ណឌីជីថលបាននិយាយថា វាហាក់ដូចជាមិនមានព័ត៌មានណាមួយ ដែលប៉ះពាល់ដល់ការធ្លាក់ចុះនោះទេ តែហាក់ដូចជាបណ្តាលមកពីប្រាក់ចំណេញ បន្ទាប់ពីតម្លៃបានកើនឡើងខ្ពស់កាលពីសប្តាហ៍មុន។
លោក Matthew Dibb ប្រធានផ្នែកប្រតិបត្តិការនៅក្រុមហ៊ុន Stack Funds ដែលមានមូលដ្ឋាននៅសិង្ហបុរី បាននិយាយថា “មានការខ្វះខាតព័ត៌មាន ហើយនេះគឺជាការលក់សុទ្ធមួយចំនួន និងការបន្ថែមនៃការលក់ខ្លីៗមួយចំនួន។ ក្រៅអំពីនេះមិនមានព័ត៌មានអ្វីសំខាន់នោះទេ” ៕
