ដោយៈ សុធារី
ប្រទេសចិនៈ ទិន្នន័យផ្លូវការមួយបានបង្ហាញថា ឧស្សាហកម្មផ្លាស្ទិចរបស់ប្រទេសចិន បានកត់ត្រាកំណើនជាលំដាប់ នៅក្នុងត្រីមាសទី៣នៃឆ្នាំនេះ ជាមួយនឹងប្រាក់ចំណូលរួមគ្នារបស់ក្រុមហ៊ុនផលិត បានកើនឡើង១៦,៥ភាគរយពីមួយឆ្នាំទៅមួយឆ្នាំ។ នេះបើតាមការចុះផ្សាយរបស់កាសែតស៊ិនហ៊ួរប្រទេសចិន កាលពីថ្ងៃទី១៤ ខែវិច្ឆិកានេះ។
យោងតាមក្រសួងឧស្សាហកម្ម និងបច្ចេកវិទ្យាព័ត៌មានបានឱ្យដឹងថា ប្រាក់ចំណូលប្រតិបត្តិការសរុបរបស់ក្រុមហ៊ុន ផលិតផលិតផលប្លាស្ទិក បានកើនឡើងដល់១,៥៨ពាន់ពាន់លានយន់ (ប្រហែល២៤៦,៦ពាន់លានដុល្លារអាមេរិក) ក្នុងរយៈពេលពីខែមករាដល់ខែកញ្ញា។
ក្រសួងបាននិយាយថា ក្រុមហ៊ុនផលិតផលិតផលប្លាស្ទិកទាំងនេះ ទទួលបានប្រាក់ចំណេញសរុបចំនួន ៨៧,១ពាន់លានយន់ កើនឡើង ៣,៣ភាគរយធៀបនឹងឆ្នាំមុន។
ក្នុងរយៈពេលបីត្រីមាសដំបូង ទិន្នផលឧស្សាហកម្មផ្លាស្ទិករបស់ប្រទេសចិនបានឈានដល់៥៨,៨១លានតោន កើនឡើង៩,៣ភាគរយពីមួយឆ្នាំទៅមួយឆ្នាំ៕
