និស្សិតកម្ពុជាមានសមត្ថភាពបង្គើតដ្រូននិង CubeSat ដោយខ្លួនឯងហើយ

ដោយៈ សុធារី

ភ្នំពេញៈ ក្រុមនិស្សិតកម្ពុជាបានពង្រីកសមត្ថភាពរបស់ពួកគេ ដោយអាចផលិតដ្រូន និង Outbesat បានដោយខ្លួនឯង ដែលនេះជាជំហ៊ានចាប់ផ្តើមដ៏ល្អមួយ គួរទទួលបានការលើកទឹកចិត្ត។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកទេសរដ្ឋមន្រ្តីចម ប្រសិទ្ធ រដ្ធមន្រី្តក្រសួងឧស្សាហកម្ម វិទ្យាសាស្រ្ត បច្ចេកវិទ្យានិងនវានុវត្តន៍ កាលពីព្រឹកថ្ងៃទី២ ខែវិច្ឆិកា ឆ្នាំ២០២១ បានទទួលជួបសំណេះ​សំណាលជាមួយតំណាងក្រុមការងារសិស្ស- និស្សិតវិទ្យាស្ថានជាតិពហុបច្ចេកទេសកម្ពុជា និងតំណាងក្រុមសិស្សានុសិស្ស E2STEM ដែលជាក្រុមការងារបង្កើតដ្រូន(Drone) និងក្រុមការងារបង្កើត CubeSat នៅទីស្តីការក្រសួង ព្រមទាំងមានការផ្សាយផ្ទាល់តាមប្រព័ន្ធអនឡាញផងដែរ។

តាមរយៈពិធីជួបសំណេះសំណាលនេះ តំណាងក្រុមការងារនិស្សិត នៃវិទ្យាស្ថានជាតិពហុបច្ចេកទេសកម្ពុជា បានជម្រាបជូននិងធ្វើបទឧទ្ទេសនាមផ្ទាល់លម្អិត អំពីការងារក្នុងការបង្កើតដ្រូន ដោយប្រើថាមពលអគ្គិសនី និងការបង្កើតដ្រូនគំរូសម្រាប់ឈានដល់ការតម្លើងប្រើប្រាស់ក្នុងវិស័យផ្សេងៗ ដូចជា ការប្រើប្រាស់ដ្រូនក្នុងការថតរូប ថតវីដេអូ-វិស័យកសិកម្ម យោធា ដឹកជញ្ជូន ដឹកមនុស្សនិងការងារពន្លត់អគ្គិភ័យជាដើម។

ក្រៅពីនេះ តំណាងនិស្សិតក៏បានបង្ហាញពីគោលបំណង ចង់ប្រើប្រាស់សមត្ថភាពដែលខ្លួនមាន ដើម្បីជួយលើកស្ទួយវិស័យបច្ចេកវិទ្យានៅកម្ពុជា។ ក្រុមនិស្សិតក៏បានធ្វើបទឧទ្ទេសនាមនិងវីដេអូខ្លីៗអំពីការបង្កើត CubeSat ផងដែរ។

លោក ចម ប្រសិទ្ធ បានកោតកោតសរសើរ និងផ្តល់អនុសាសន៍ណែនាំដល់ក្រុមតំណាងការងារសិស្ស និស្សិត ដែលបានខិតខំសិក្សាស្រាវជ្រាវ សិក្សារៀនសូត្រប្រកប​ដោយស្មារតីទទួលខុសត្រូបខ្ពស់ ក្នុងការបង្កើតដ្រូន និងការបង្កើត CubeSat។ លោកមើលឃើញថា នេះជាគុណប្រយោជន៍ ចំពោះប្រទេសជាតិយើងទៅថ្ងៃខាងមុខ។

លោកក៏បានលើកទឹកចិត្តឲ្យក្រុមសិស្ស-និស្សិតទាំង២ក្រុម បន្តការងារដ៏ប្រពៃនេះបន្តទៀត ជាពិសេសខិតខំសិក្សាស្រាវជ្រាវ រកប្រភពសំខាន់ៗដែលមានច្រើននៅតាមប្រព័ន្ធអ៊ីនធើណេត ដើម្បីអភិវឌ្ឍខ្លួនបានមួយកំរិតបន្ថែមទៀត៕

LEAVE A REPLY

Please enter your comment!
Please enter your name here