ដោយ ហេង ហ្សូលី
ប៉េកាំងៈ ការវិនិយោគលើវិស័យអចលនទ្រព្យក្នុងប្រទេសចិន បានហក់ឡើង ១១,៧% ជាកំនើនដែលគេមើលឃើញមានល្បឿនលឿនជាង៨,៥% ធៀបនឹងខែមិថុនាកន្លងមក។ នេះបើយោងតាមការគណនារបស់ទីភ្នាក់ងារសារព័ត៌មាន Reuters ផ្អែកលើទិន្នន័យពីការិយាល័យស្ថិតិជាតិ។
ការវិនិយោគលើអចលនទ្រព្យ កាលពីខែមុនរបស់ប្រទេសចិន បានកើនឡើងយ៉ាងរហ័ស គិតចាប់តាំងពីខែមេសាឆ្នាំ២០១៩ ដែលមានការគាំទ្រដោយសកម្មភាពសាងសង់រឹងមាំ និងការផ្តល់ប្រាក់កម្ចីកាន់តែងាយស្រួល នៅពេលដែលសេដ្ឋកិច្ចងើបឡើងវិញបន្តិចម្តងៗពីវិបត្ដិមេរោគរាតត្បាត។
សម្រាប់រយៈពេលពីខែមករាដល់ខែកក្កដា ការវិនិយោគលើអចលនទ្រព្យបានកើនឡើង៣,៤ភាគរយ ដែលលឿនជាងកំណើន១,៩ភាគរយ នៅក្នុងចន្លោះខែមករា និងខែ មិថុនា។
ទីផ្សារអចលនទ្រព្យរបស់ប្រទេសចិន ស្ថិតក្នុងចំណោមការងើបឡើងវិញដំបូង បន្ទាប់ពីការបើកឡើងវិញសេដ្ឋកិច្ចនៅឆ្នាំនេះ ដោយសារឥណទានមានតម្លៃថោក ក៏ដូចជាការបន្ធូរបន្ថយ លើការទប់ស្កាត់ការរស់នៅក្នុងទីក្រុង ដោយអ្នកវិភាគមួយចំនួនបានព្រមានអំពីភាពផុយស្រួយ ដែលមានសក្តានុពលនៅក្នុងទីក្រុងធំ។
ការលក់អចលនទ្រព្យ តាមតំបន់បានកើនឡើង៩,៥%ក្នុងខែកក្កដា បើធៀបនឹងកំណើន២,១%ក្នុងខែមិថុនា។
ការស្ថាបនាថ្មីបានចាប់ផ្តើមវាស់វែង ដោយផ្ទៃដីបានកើនឡើង១១,៣% កាលពីខែមុនបើប្រៀបធៀបទៅនឹងខែមិថុនា៨,៩% ៕