ដោយៈគង់ សូរិយា
ភ្នំពេញៈ ទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានថ្លែងថា ផ្លូវល្បឿនលឿនភ្នំពេញ បាវិតនឹងបញ្ចប់ការសិក្សានៅដំណាច់ឆ្នាំនេះ។
លោកបានមានប្រសាសន៍៍ និងកំពុងផ្សាយផ្ទាល់តាមប្រព័ន្ឋបណ្តាញទំនាក់ទំនងសង្គមfacebook នាព្រឹកថ្ងៃទី២១ មិថុនានេះថា ផ្លូវល្បឿនលឿនភ្នំពេញ បាវិត មានសារៈសំខាន់ណាស់។ ផ្លូវនេះនឹងបញ្ចប់ការសិក្សាដោយនឹងដឹងថា ចំណាយទុនប៉ុន្មាន ហើយចាប់ផ្តើមសិក្សានាពេលណា យើងនឹងដឹងនៅពេលសិក្សាបញ្ចប់។
លោកបន្តថា “មានផ្កូវល្បឿនលឿនទី១ គឺមានទី២ហើយ ប៉ុន្តែយើងត្រូវរង់ចាំការសិក្សាថាអស់ទុនប៉ុន្មាន ដើម្បីសាងសង់ផ្លូវសំខាន់នេះ”។
កន្លងមកទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន(JICA)បានសិក្សាលើការសាងសង់ផ្លូវនេះរួចហើយ ដោយត្រូវចំណាយទុន៣៨០០លានដុល្លារអាមេរិក ប៉ុន្តែបច្ចុប្បន្ននេះក្រុមហ៊ុនចិនកំពុងសិក្សាផ្លូវនេះឡើងវិញ៕