យុទ្ធនាការចាក់វ៉ាក់សាំងរបស់រដ្ឋាភិបាលនឹងជំរុញសកម្មភាពសេដ្ឋកិច្ចទេស ចរណ៍ឡើងវិញឆាប់ៗនេះ

          ដោយៈលក្ខិណា

ភ្នំពេញៈ រដ្ឋាភិបាលកម្ពុជាបានចាប់ផ្ដើមចាក់វ៉ាក់សាំង ជូនពលរដ្ឋតាំងពីអំឡុងខែកុម្ភៈ ឆ្នាំ២០២១ និងបន្តចាក់ជូនពលរដ្ឋបន្តទៀត ជាពិសេសពលរដ្ឋដែលកំពុងមានការប្រឈមឆ្លងខ្ពស់ ដូចជាពលរដ្ឋក្នុងរាជធានីភ្នំពេញ និងបណ្តាខេត្តដែលមានការឆ្លងជំងឺនេះច្រើន។

យុទ្ធនាការចាក់វ៉ាក់សាំងជូនពលរដ្ឋ របស់រដ្ឋាភិបាលត្រូវបានប្រតិបត្តិករទេសយល់ឃើញថា នឹងជួយជំរុញឱ្យសេដ្ឋកិច្ចជាពិសេស សកម្មភាពទេសចរណ៍ងើបឡើងវិញនៅពេលឆាប់ៗនេះ។

លោកហូ វណ្ឌីទីប្រឹក្សាសមាគមទីភ្នាក់ងារទេសចរណ៍កម្ពុជា បានឱ្យដឹងតាមទូរស័​ព្ទនាព្រឹកថ្ងៃទី១៣ ឧសភានេះថា មិនយូរទៀតនោះទេ លោកជឿថាសកម្មភាពទេសចរ​ណ៍នៅក្នុងប្រទេសកម្ពុជា នឹងមានសន្ទុះងើបឡើងវិញ ជាពិសេសការធ្វើដំណើរកម្សាន្តរបស់ពលរដ្ឋក្នុងស្រុក ទៅកាន់តំបន់ទេសចរណ៍នានាក្នុងប្រទេស នឹងចាប់ផ្ដើម ដោយ​សារតែពេលនេះ ប្រជាពលរដ្ឋជាច្រើនបានទទួលវ៉ាក់សាំងប្រឆាំង ជំងឺកូវីដ១៩រួចហើយ ។ រដ្ឋាភិបាលក៏នៅតែបន្តចាក់ជូនប្រជាពលរដ្ឋជាបន្តបន្ទាប់ ខណៈវ៉ាក់សាំងក៏បានមកដល់បន្តបន្ទាប់ផងដែរ ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកបន្តថា “ទន្ទឹមនឹងនេះដែរ ប្រតិបត្តិករទេសចរកម្ពុជា ក៏គួរត្រៀមរៀបចំនូវសេវាកម្មរបស់ខ្លួនបណ្ដើរៗឱ្យរួចរាល់ និងកុំចាំដល់ពេលវេលាទើបរៀបចំ វាមិនងាយនោះទេ “។ លោកបន្តថា “នៅពេលយើងបានរៀបចំរួចរាល់ ហើយពេលវេលាមួយដែលកូវីដ១៩បានធូរស្រាល ដែលអាចឱ្យពលរដ្ឋធ្វើដំណើរកម្សាន្តបាន ពេលនោះចាំរៀបចំគឺវានឹងពិបាកហើយ”។

ចាប់ពីថ្ងៃទី១០កុម្ភៈ ដល់ថ្ងៃទី១២ឧសភា ២០២១នេះ ចំនួនអ្នកចាក់វ៉ាក់ស្ម័គ្រចិត្តសរុបមាន១.៩៣៩.៧៣៣នាក់ ក្នុងនោះអ្នកចាក់រួចរាល់ទាំងពីរលើមានចំនួន ១.១២៩​.៥៦៤នាក់ ស្មើនឹងប្រមាណ១៩,៤០ភាគរយ នៃគោលដៅចាក់របស់រាជរដ្ឋាភិបាលឱ្យបានចំនួន១០នាក់ ។

រហូតដល់ថ្ងៃនេះដែរ រដ្ឋាភិបាលបញ្ជាឱ្យពេទ្យកងទ័ព ចេញយុទ្ធនាការចាក់វ៉ាក់សាំងជូនពលរដ្ឋ រស់នៅក្នុងតំបន់ក្រហម និងតំបន់ផ្សេងទៀតទូទាំងរាជធានីភ្នំពេញ និងក្រុងតាខ្មៅ ហើយរយៈពេលតែប៉ុន្មានថ្ងៃ នៃយុទ្ធនាការចាក់វ៉ាក់សាំងរបស់ពេទ្យកងទ័ពសម្រេចបានលទ្ធផលគួរជាពេញចិត្ត និងបន្តឱ្យមានការចាក់បន្តបន្ទាប់រហូតដល់គ្រប់ចំនួនកំណត់ ខណៈវ៉ាក់សាំងក៏បានបញ្ជូនមកដល់កម្ពុជាជាបន្តបន្ទាប់ផងដែរ៕

LEAVE A REPLY

Please enter your comment!
Please enter your name here