ចំណេះដឹង! វិធី​បន្សាប​កំហឹង​អតិថិជន នៅពេល​មាន​បញ្ហា​កើតឡើង

ដោយៈ សាវុធ

ភ្នំពេញៈ ការលក់​ផលិតផល ឬ​សេវាកម្ម អ្វីមួយ​តែង​ចង់​បានទទួល​ការគាំទ្រ​ពី​សំណាក់ អតិថិជន​មកលើ​ទំនិញ​របស់ខ្លួន រហូតដល់​ធ្វើឱ្យ​អ្នកជំនាញ​ផ្នែក​លក់​មាន​យុទ្ធសាស្ត្រផ្សេងៗគ្នា ក្នុងការ​បញ្ចុះបញ្ចូល​អ​តិ​ថិ​ជន អោយ​ទិញ​ផលិតផល​របស់ខ្លួន មិន​ថា​រូបភាព​ណា​នោះទេ។

ម្យ៉ាងវិញទៀត ផ្នែក​លក់​ត្រូវខិតខំ​ប្រឹង​ប្រែ​លក់​ឱ្យ​គ្រប់​ចំនួន តាម​ដែល​ថ្នាក់លើ​ដាក់អោយ ទើប​ធ្វើឱ្យ​ភ្នាក់ងារ​លក់​មួយចំនួន ប្រើ​យុទ្ធសាស្ត្រ និយាយ​បំ​ភ្លើ​ស​ពី​គុណ​តម្លៃ​របស់​ផលិតផល​របស់ខ្លួន ដែលជា​ហេតុ​ធ្វើឱ្យ​អតិថិជន មានការ​ខឹងសម្បារ អាចឈាន​ដល់​ខូច​កេរ្តិ៍ឈ្មោះ​របស់​ក្រុមហ៊ុន និង​បុគ្គល​ដែលជា​អ្នកលក់​ផងដែរ ឬ​អាច​ឈានដល់​ការឈ្លោះប្រកែក​គ្នា​ទៀតផង។

បទ​វិសោធន៍​ខ្លះ​ពាក់ព័ន្ធ និង​ការដោះស្រាយ​បញ្ហា​ទាំងនេះ ជូន​លោក​អ្នកមាន​ដូចខាងក្រោមៈ

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ទី១) សុំទោស​អតិថិជន ជាមួយ​សំលេង​ស្រទន់

ពាក្យ​សុំទោស មិន​សំដៅ​ពី​ការសុំ​លើកលែងទោស​ទេ និង​ក៏​មិន​មានន័យថា យើង​សារភាពថា​យើង​ខុស​ដែរ តែ​វា​ពាក្យ​ដែល​ស្ដាប់ទៅ​ធ្វើឱ្យ​ដៃគូ​ម្ខាង​ទៀត មាន​អារម្មណ៍​ថា ពួកគេ​កំពុងតែ​ជា​អ្នក​ត្រូវ និង​មាន​អារម្មណ៍​ថា​ធូ​ស្រា​លកំ​ខឹង​របស់​ពួកគេ។

ទី២) មិន​ប្រកែក

ការ​ប្រកែក អាចធ្វើអោយ​អតិថិជន កាន់តែ​ខឹង​ខ្លាំង ទោះបី​អតិថិជន​មានការ​ភ​ន់​ច្រ​លំ ឬ អ្នក​មិនមាន​កំហុស​ក៏ដោយចុះ ប៉ុន្តែ អ្នក​គួរ​អរគុណ​ទៅកាន់​អតិថិជន​របស់​អ្នក ដែល​បាន​ប្រាប់​ពី​កំហុសឆ្គង ក្នុងន័យ​កែ​កំ​អរ នោះ​អតិថិជន​មុខជា​មិន​ខឹង​នឹង​អ្នក​ក៏​ថា​បាន។

ទី៣) ផ្ដល់ជូន​អតិថិជន​នូវ​សំណង​បន្ដិចបន្ដួច

សំណង​ត្រង់នេះ​មិនមែន​បានន័យថា សង​ជា​ទឹកប្រាក់​នោះទេ ផ្ទុយទៅវិញ​វា​អាចជា​វត្ថុ​តូចតាច​ណាមួយ ដើម្បី​ជាការ​សង​ជម្ងឺ​ចិត្ត​របស់​អតិថិជន។

ឧទាហរណ៍៖ បាច់ផ្កា កាដូ​បន្តិចបន្ដួច ឬ​កញ្ចប់​សេវាកម្ម​ជំនួស​ឱ្យ​ការខូចខាត៕ Spean៕

LEAVE A REPLY

Please enter your comment!
Please enter your name here