ដោយៈ ម៉ាណា
ភ្នំពេញៈ ធនាគារជាតិនៃកម្ពុជា(NBC) សហការជាមួយមជ្ឈមណ្ឌលស៊ាសិន (SEACEN) បានរៀបចំវគ្គបណ្តុះបណ្តាលស្តីពីយុទ្ធសាស្ត្រគ្រប់គ្រងមូលធនមនុស្ស សម្រាប់មន្ត្រីជំនាញ។
វគ្គបណ្តុះបណ្តាលនេះ បានចាប់ពីថ្ងៃទី១៦-១៧ ខែកក្កដា សប្តាហន៍មុននៅរាជធានីភ្នំពេញ ក្រោមអធិបតីភាពលោក ស៊ុំ សន្និសិទ្ធ ទេសាភិបាលរង ធនាគារជាតិនៃកម្ពុជា និងលោកស្រី Donna Aura Lumbo អ្នកវិភាគជាន់ខ្ពស់ផ្នែកភាពជាអ្នកដឹកនាំ អភិបាលកិច្ច និងមូលធនមនុស្ស តំណាងមជ្ឈមណ្ឌលស៊ាសិន។
តាមរយៈវគ្គបណ្តុះបណ្តាលរយៈពេល២ថ្ងៃនេះ វាគ្មិនដែលមកពីមជ្ឈមណ្ឌលស៊ាសិន និងស្ថាប័នអន្តរជាតិនានា បានធ្វើបទឧទ្ទេសនាមដោយផ្ទាល់ ក្នុងគោលបំណងចែករំលែកចំណេះដឹង និងបទពិសោធ ដល់សិក្ខាកាមចូលរួមដោយផ្ទាល់ចំនួន៣៩រូប ដែលមកពីធនាគារកណ្តាលជាសមាជិក SEACEN ចំនួន១១ប្រទេស នៅក្នុងតំបន់អាស៊ីប៉ាស៊ីហ្វិក អំពីយុទ្ធសាស្ត្រគ្រប់គ្រង និងអភិវឌ្ឍមូលធនមនុស្សក្នុងសករាជឌីជីថល៕
 សហការជាមួយមជ្ឈមណ្ឌលស៊ាសិន (SEACEN) បានរៀបចំវគ្គបណ្តុះបណ្តាលស្តីពីយុទ្ធសាស្ត្រគ្រប់គ្រងមូលធនមនុស្ស សម្រាប់មន្ត្រីជំនាញ។){kind=link}