ដោយៈ ម៉ាលីនណា
សៀមរាបៈ ព្រះអង្គម្ចាស់ក្សត្រីBenedikte Astrid Ingeborg Ingrid យាងទត ភាពអច្ឆរិយៈរបស់ប្រាសាទអង្គរវត្ត ដែលជាបេតិកភណ្ឌពិភពលោកទទួលស្គាល់ ដោយអង្គការUNESCO។
ក្នុងឱកាសនោះ ព្រះអង្គម្ចាស់ក្សត្រី បានសព្វព្រះរាជហាទ័យ និងមានព្រះបន្ទូលកោតស្ញប់ស្ញែងយ៉ាងខ្លាំង ចំពោះប្រាសាទអង្គរវត្ត ដែលសក្តិសមជាសម្បត្តិ បេតិកភណ្ឌដ៏អស្ចារ្យរបស់កម្ពុជា និងមនុស្សជាតិទាំងមូល។
ក្នុងឱកាសយាង និងអញ្ជើញទស្សនារមណីយដ្ឋានអង្គរ ព្រះអង្គម្ចាស់ក្សត្រី បានបង្ហាញចំណាប់អារម្មណ៍ពីដាណឺម៉ាក ដែនដីនៃបេតិកភណ្ឌពិភពលោក ចំពោះមិត្តកម្ពុជា និងប្រាសាទអង្គរវត្ត ភាពអច្ឆរិយៈរបស់ប្រាសាទអង្គរវត្ត នៅតែបន្តធ្វើឱ្យពិភពលោកកោតស្ញប់ស្ញែង និងលង់ស្នេហ៍។
ដំណើរយាង និងអញ្ជើញនេះ គឺដោយទទួលបានមតិដឹកនាំដ៏ខ្ពង់ខ្ពស់ ពីលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត លោកហួត ហាក់ រដ្ឋមន្ត្រីក្រសួងទេសចរណ៍ បានអមដំណើរព្រះអង្គម្ចាស់ក្សត្រី៕
