បញ្ហារបស់ “គយ” ត្រូវបានយកមកជជែកដោយមន្រ្តី និងវិស័យ ឯកជន

ដោយៈ ម៉ាណា

    ភ្នំពេញៈ សភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារបច្ចេកទេស​ទាំង៤ “វិស័យគយ” នៃយន្តការភាពជាដៃគូគយ-ផ្នែកឯកជន  ដែលដឹកនាំដោយសហប្រធាន ក្រុមការងារបច្ចេកទេសនៃវិស័យគយ។

ចូលរួមនាឱកាសនោះ មាន ឧកញ៉ាបណ្ឌិត ស៊ិន ចន្ធី សហប្រធានក្រុមការងារបច្ចេកទេសទី១ តំណាងផ្នែកឯកជន ឧកញ៉ាបណ្ឌិត តាន់ មុនីវណ្ណ សហប្រធានក្រុមការងារបច្ចេកទេសទី២ តំណាងផ្នែកឯកជន ឧកញ៉ាបណ្ឌិតគួច ផេង សហប្រធានក្រុមការងារបច្ចេទសទី៣ និងតំណាងក្រុមការងារបច្ចេកទេសទី៤  តំណាងផ្នែកជន។

កិច្ចប្រជុំនេះក៏មានការចូលរួមផងដែរ ពីសំណាក់អនុសហប្រធានក្រុមការងារតំណាបច្ចេកទេសទាំង៤ តំណាងផ្នែកឯកជន​ តំណាងគ្រឹះ​ស្ថានសមាគម ក្រុមហ៊ុនឯកជន និងអ្នកកពាក់ព័ន្ធដែលជាសមា​ជិកនៃក្រុមការងារបច្ចេកទេស ផ្នែកឯកជនជាច្រើនទៀតផងដែរ។

កិច្ចប្រជុំនេះមានគោលបំណង ដើម្បីបន្តធ្វើការពិនិត្យ ពិភាក្សាលើបញ្ហាប្រឈមដែលនៅសេសសល់ និងបន្តលើកឡើងនូវបញ្ហាប្រ​ឈមថ្មីៗបន្ថែមទៀតក្នុងវិស័យគយ ដើម្បីដាក់ស្នើសុំដំណោះស្រាយជាមួយនឹងដៃគូ គឺអគ្គនាយកដ្ឋានគយ និងរដ្ឋាករកម្ពុជា នាពេលឆាប់ៗខាងមុខនេះ។

កិច្ចប្រជុំបានធ្វើការពិនិត្យ ពិភាក្សាលើបញ្ហាប្រឈមរបស់ផ្នែកឯកជនមួយចំនួនរួមមាន ទី១ បញ្ហាក្នុងការចំណាយលើ Customs Clearances, ទី២. ការធ្វើប្រតិភូកម្មអំណាច ទៅមន្ត្រីគយថ្នាក់ក្រោម ទី ៣. ការប្រកាសយថាប្រភេទផលិតផលនាំចូល ទី៤. ការនាំចូលផលិតផលស្វាយចន្ធី ដែលមិនមានគុណភាពប្រកួតប្រជែងជាមួយនឹងផលិតផលក្នុងស្រុក  ទី៥. នីតិវិធីគយក្នុងការនាំចេញ ផលិតផលកសិ​កម្ម រួមនឹងបញ្ហាប្រឈមមួយចំនួន​ផ្សេងទៀតផងដែរ៕