ដោយៈ ចំណាន
ភ្នំពេញៈ អគ្គនាយកប្រតិបត្តិការ ធនាគារជាតិនៃកម្ពុជា លោក គីមទី កោមលី បានអញ្ជើញចូលរួមជាអធិបតីក្នុងសិក្ខាសាលា ស្តីពី “ទីផ្សាររូបិយវត្ថុនៅកម្ពុជា” នាថ្ងៃទី១ ខែតុលា ឆ្នាំ២០២៥ ដោយមានការចូលរួមយ៉ាងសកម្ម ពីតំណាងគ្រឹះស្ថានធនាគារនិងហិរញ្ញវត្ថុ ប្រមាណ១៣០រូប។
សិក្ខាសាលានេះ រៀបចំឡើងក្រោមកិច្ចសហការរវាងធនាគារជាតិនៃកម្ពុជាជាមួយ ស្ថាប័នសាជីវកម្មហិរញ្ញវត្ថុអន្តរជាតិ (IFC) និងក្រុមហ៊ុនអភិវឌ្ឍន៍ទីផ្សារហិរញ្ញវត្ថុFrontclear ក្នុងគោលបំណងផ្តល់វេទិកាដល់តំណាងស្ថាប័នហិរញ្ញវត្ថុជួបជុំ និងពិភាក្សាគ្នាអំពីទិដ្ឋភាពទូទៅនិងសារៈសំខាន់ របស់ទីផ្សាររូបិយវត្ថុ ឧបករណ៍ដែលបានជួញដូរនៅក្នុងទីផ្សាររូបិយវត្ថុ មូលដ្ឋានគ្រឹះសំខាន់ក្នុងការបង្កើតទីផ្សាររូបិយវត្ថុឱ្យមានដំណើរការល្អ និងការស្វែងយល់អំពីអត្ថប្រយោជន៍ និងបញ្ហាប្រឈមសំខាន់ៗ ក្នុងការអភិវឌ្ឍទីផ្សាររូបិយវត្ថុនៅកម្ពុជា៕
