ក្រុមហ៊ុនGoogleគ្រោងផ្តល់ប្រាក់ចំនួន១លានដុល្លារដល់អង្គភាពMandai Nature

ដោយ: លាងហួរ

សឹង្ហបុរី: ក្រុមហ៊ុន Google នឹងផ្តល់ប្រាក់ចំនួន១លានដុល្លារអាមេរិកដល់ អង្គភាព Mandai Natureដែលក្រុមហ៊ុនបច្ចេកវិទ្យាយក្សGoogleមួយនេះ ចូលរួមដោះស្រាយវិបត្តិអាកាសធាតុដែលកំពុងបន្ត។

ក្រុមហ៊ុន Google បាននិយាយថា ជំនួយនេះនឹងស្ថិតក្រោមរូបភាពមនុស្សធម៌របស់ Google គឺនឹងជួយ Mandai Nature ដើម្បីពន្លឿនការវិនិយោគ លើដំណោះស្រាយអាកាសធាតុ ដែលផ្តល់អត្ថប្រយោជន៍ដល់ធម្មជាតិ និងប្រជាជននៅអាស៊ីអាគ្នេយ៍។

ជាមួយនឹងការផ្តល់មូលនិធិនេះ អង្គភាព Mandai Nature នឹងគាំទ្រដល់សម្ព័ន្ធ ដំណោះស្រាយអាកាសធាតុអាស៊ីអាគ្នេយ៍ និងធម្មជាតិ ដែលរួមមានអង្គការមិនរកប្រាក់ចំណេញផ្នែកបរិស្ថាន និងអភិរក្សចំនួនប្រាំបីដែលត្រូវបានទទួលស្គាល់ទូទាំងពិភពលោក។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

Mandai Nature គឺជាអង្គភាពអភិរក្សសត្វព្រៃ ប៉ុន្តែអង្គភាពនេះក៏បានដើរតួនាទីយ៉ាងសំខាន់ ក្នុងការប្រជុំភាពជាដៃគូ និងសម្ព័ន្ធភាពសហការពីភាគីពាក់ព័ន្ធជាច្រើន ដើម្បីដោះស្រាយនូវលទ្ធផលសំខាន់ៗ នៃការអភិរក្ស ដែលក្នុងនោះដំណោះស្រាយ ផ្អែកលើអាកាសធាតុអាស៊ីអាគ្នេយ៍ និងធម្មជាតិ។

នាយកគ្រប់គ្រងក្រុមហ៊ុនGoogle ប្រចាំប្រទេសសឹង្ហបុរីបានប្រាប់សារពត៌មានCNA ថា យើងសង្ឃឹមថា តាមរយៈការផ្តល់ហិរញ្ញប្បទានឥតសំណង យើងអាចជួយពួកគេ និងសម្ព័ន្ធបង្កើតដំណោះស្រាយបច្ចេកវិទ្យាដែលពួកគេត្រូវការ ដើម្បីកំណត់អត្តសញ្ញាណដំណោះស្រាយផ្អែកលើធម្មជាតិ និងរួមចំណែកដល់ភពផែនដីឱ្យមាននិរន្តរភាពជាងមុន។

ជំនួយនេះត្រូវបានប្រកាស នៅក្នុងព្រឹត្តិការណ៍សម្ពោធក្រុមហ៊ុនGoogle ក្នុងប្រទេសសិង្ហបុរីនៅថ្ងៃអង្គារនេះ ដែលនិយាយអំពីបញ្ហាប្រឈមដ៏សំខាន់ សម្រាប់អង្គការមិនរកប្រាក់ចំណេញ ក្នុងការដោះស្រាយវិបត្តិអាកាសធាតុ ដែលកំពុងបន្តជាមួយនឹងកង្វះទិន្នន័យ និងភស្តុតាងដែលអាចទុកចិត្តបាន ដើម្បីជូនដំណឹងអំពីទីកន្លែង និងរបៀបអនុវត្តកម្មវិធីតាមល្បឿន និងទំហំដែលត្រូវការ៕

LEAVE A REPLY

Please enter your comment!
Please enter your name here