ឥណ្ឌូនេស៊ីស្នើកញ្ចប់ថវិកាជាតិចំនួន២០៦ពាន់លានដុល្លារអាមេរិក សម្រាប់ស្តារសេដ្ឋកិច្ចឡើងវិញក្នុងឆ្នាំ២០២៣

សុខុម

ហ្សាការតា: ប្រធានាធិបតីឥណ្ឌូនេស៊ី លោក Joko Widodo នៅថ្ងៃអង្គារ ទី១៦ ខែសីហា នេះបានស្នើកញ្ចប់ថវិកាជាតិចំនួន២០៦ពានលានដុល្លារអាមេរិក សម្រាប់ឆ្នាំ២០២៣។

ប្រធានាធិបតីដ៏មានប្រជាប្រិយរូបនេះបានស្នើកញ្ចប់ថវិកានេះជាមួយនឹងឱនភាព២,៨៥% នៃផលទុនជាតិសរុប (GDP) ដែលជាគម្លាតថវិកាតិចបំផុតចាប់តាំងពីឆ្នាំ២០១៩។ ទោះជាយ៉ាងណា កញ្ចប់ថវិកានេះមានទំហំតូចជាងកញ្ចប់ថវិកាឆ្នាំ២០២២។

ឆ្នាំ២០២៣ នឹងក្លាយជាឆ្នាំដំបូង ដែលឥណ្ឌូនេស៊ី ក្នុងនាមជាសេដ្ឋកិច្ចធំបំផុតនៅអាស៊ីអាគ្នេយ៍ស្តារឡើងវិញនូវពិដានឱនភាពសារពើពន្ធ៣%នៃ GDP បន្ទាប់វាត្រូវបានលើកលែងរយៈពេល៣ឆ្នាំដើម្បីអនុញ្ញាតឱ្យរដ្ឋាភិបាលមានលទ្ធភាពឆ្លើយតបទៅនឹងវិបត្តិកូវីដ-១៩។

ទំហំនៃថវិកាដែលបានស្នើឡើងនេះគឺតិចជាងកញ្ចប់ថវិកាសម្រាប់ឆ្នាំ២០២២ ប្រមាណ២%។ លោក Joko Widodo បានព្យាករថា ប្រាក់ចំណូលសរុបនៅឆ្នាំក្រោយនឹងសម្រេចបានកំណើនជិត៨%ឈានដល់ជិត២០០ពាន់លានដុល្លារអាមេរិក។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ប្រធានាធិបតីរូបនេះគូសបញ្ជាក់ថា ថវិកានឹងក្លាយជាក្បាលម៉ាស៊ីនជំរុញកំណើន ដោយកំណត់គោលដៅកំណើនសេដ្ឋកិច្ច៥,៣%នៅឆ្នាំក្រោយ ហើយប្តេជ្ញាគ្រប់គ្រងអតិផរណាឱ្យនៅរង្វង់៣,៣%៕

LEAVE A REPLY

Please enter your comment!
Please enter your name here