កំពង់ផែស្វយ័តក្រុងព្រះសីហនុរកចំណូលបានជាង៩៣លានដុល្លារអាមេរិក

ដោយ៖ លក្ខិណា

ភ្នំពេញ ៖ ក្នុងឆ្នាំ២០២១កន្លងទៅនេះ ជាឆ្នាំដែលពិបាកមួយសម្រាប់សកម្មភាពសេដ្ឋកិច្ចនិងការធ្វើអាជីវកម្មនៅក្នុងប្រទេសកម្ពុជាក៏ដូចជាពិភពលោកទាំងមូល ប៉ុន្តែយ៉ាងណាក្ដីក៏កម្ពុជានៅតែអាចសម្រេចបាននូវលទ្ធផលមួយចំនួនផងដែរ ក្នុងនោះដែរក្នុងឆ្នាំ២០២១កន្លងទៅចំណូលដែលមកពី អាជីវកម្មរបស់កំពង់ផែក្រុងព្រះសីហនុសម្រេចបានរហូតដល់ជាង៩៣លានដុល្លារអាមេរិក។

យោងតាមរបាយការណ៍បូកសរុបរបស់ក្រសួងសាធារណការនិងដឹកជញ្ជូននៅព្រឹកថ្ងៃទី២៧មករា ២០២១២នេះឱ្យដឹងថា ទំនិញឆ្លងកាត់កំពង់ផែស្វយ័តក្រុងព្រះសីហនុមានចំនួនប្រមាណជិតលានតោន ធៀបនឹងឆ្នាំ២០២០មានកំណើន៥,៩៩ភាគរយ និងចំណូលសរុបបានមកពីអាជីវកម្មក្នុងកំពង់ផែនេះមានចំនួន៣៧៣ពាន់លានរៀលឬប្រមាណជាង៩៣លានដុល្លារអាមេរិក ដែលមានកំណើន១៧,៦៤ភាគរយ។

នៅក្នុងសេចក្ដីប្រកាសព័ត៌មានរបស់ក្រសួងសាធារណការនិងដឹកជញ្ជូនបង្ហាញថា ក្រសួងបាននិងកំពុងអភិវឌ្ឍ និងធ្វើទំនើបកម្មចំណតផែកុងតឺន័រថ្មី តាមរយៈការសិក្សាជាមួយទីភ្នាក់ងារ JICA ដើម្បីប្រែក្លាយកំពង់ផែនេះទៅជាកំពង់ផែ ក្នុងតំបន់ដ៏មានសក្ដានុពលក្នុងការគាំទ្រដល់កំណើនសេដ្ឋកិច្ចជាតិនិងកាត់បន្ថយភាពក្រីក្រ។

កំពង់ផែនេះ ក៏បាននិងកំពុងរៀបចំសាងសង់ផែកុងតឺន័រថ្មីជាជំហានទី១ ប្រវែង៣៥០ម៉ែត្រ ជម្រៅទឹក១៤,៥ម៉ែត្រ ក្នុងរយៈពេល៤ឆ្នាំ ពីឆ្នាំ២០២២ ដល់ឆ្នាំ២០២៥ និងសិក្សាលទ្ធផលសាងសង់ផែកុងតឺន័រជំហានទី២និងជំហានទី៣បន្តបន្ទាប់ទៀតផងដែរ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកស៊ុន ចាន់ថុលរដ្ឋមន្ត្រីក្រសួងសាធារណការនិងដឹកជញ្ជូនបានមានប្រសាសន៍ផងដែរថា កំពង់ផែក្រុងព្រះសីហនុជាកំពង់ផែទឹកជ្រៅរបស់កម្ពុជា ដែលនឹងអភិវឌ្ឍន៍ទៅជាកំពង់ផែដែលអាចឱ្យនាវាធំៗកាន់តែច្រើនចូលចត ដែលអាចឱ្យទំនិញកាន់តែច្រើនឆ្លងកាន់កម្ពុជា និងមិនបាច់ធ្វើការផ្ទេរនាវានៅកំពង់ផែប្រទេសផ្សេងៗបាន។ ក្នុងន័យនេះ កំពង់ផែធំៗដែលធ្លាប់ចូលចតប្រទេសជិតខាងហើយផ្ទេរមកវានាតូចៗ និងមិនចាំបាច់ធ្វើការផ្ទេរទៀតទេនៅពេលកំពង់ផែទឹកជ្រៅខេត្តព្រះសីហនុសាងសង់ចំណតនាវារួចរាល់៕

LEAVE A REPLY

Please enter your comment!
Please enter your name here