ទំហំវិនិយោគលើអចលទ្រព្យរបស់ប្រទេសចិនបង្ហាញសញ្ញាធ្លាក់ចុះជិត៨ភាគរយ

ដោយ: លាងហួរ

ប៉េកាំង: ទិន្នន័យពីការិយាល័យស្ថិតិជាតិ (NBS) បានបង្ហាញថា ការវិនិយោគរបស់ប្រទេសចិនក្នុងការអភិវឌ្ឍន៍អចលនទ្រព្យបានធ្លាក់ចុះ៧,៤ភាគរយ ពីមួយឆ្នាំទៅមួយឆ្នាំ ក្នុងរយៈពេល៨ខែដំបូងនៃឆ្នាំ២០២២នេះ។

ការិយាល័យស្ថិតិជាតិ (NBS) បានរាយការណ៍ថា ការវិនិយោគអចលនទ្រព្យសរុប នៅក្នុងរយៈពេលនេះ មានចំនួន៩,០៨ពាន់ពាន់លានយ័ន (ប្រហែលជា១,៣១ពាន់ពាន់លានដុល្លារ)។

ការវិនិយោគលើអគារលំនៅដ្ឋានបានធ្លាក់ មកត្រឹមចំនួន៦,៨៩ពាន់ពាន់លានយ័ន (ប្រហែលជាង៩៨៣ពាន់លានដុល្លារ) ពោលគឺធ្លាក់ចុះ៦,៩ភាគរយ ពីមួយឆ្នាំទៅមួយឆ្នាំ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ការលក់លំនៅឋានពាណិជ្ជកម្មសរុបមាន ចំនួន៨៧៨,៩លានម៉ែត្រការ៉េ ពោលគឺធ្លាក់ចុះ២៣ភាគរយ ពីមួយឆ្នាំទៅមួយឆ្នាំ។ បើនិយាយពីតម្លៃវិញ ការលក់បានធ្លាក់ចុះ២៧,៩ភាគរយ មកនៅត្រឹម៨,៥៩ពាន់ពាន់លានយ័ន (ប្រហែលជាង១២២៥ពាន់លានដុល្លារ)។

ចំណែកសន្ទស្សន៍ នៃការអភិវឌ្ឍន៍អចលនទ្រព្យ ដែលចងក្រងដោយការិយាល័យស្ថិតិជាតិ (NBS) បានមកនៅត្រឹម៩៥,០៧ពិន្ទុ ក្នុងខែសីហា៕

LEAVE A REPLY

Please enter your comment!
Please enter your name here