ក្រុមហ៊ុនយក្ស Alibaba គ្រោងសាងសង់អគារកប់ពពកខ្ពស់បំផុតនៅសិង្ហបុរី

ដោយវឌ្ឍនា

សិង្ហបុរី: ក្រុមហ៊ុនយក្សរបស់ចិនAlibaba និងដៃគូក្នុងស្រុកមួយក្រុមដែលដឹកនាំ ដោយក្រុមហ៊ុនអចលនទ្រព្យសិង្ហបុរី Perennial Holdings ទទួលបានការអនុម័ត សម្រាប់គម្រោងសាងសង់អគារប្រើប្រាស់ចម្រុះមួយដែលមានកម្ពស់៦៣ជាន់ នៅតាមបណ្ដោយវិថី Shenton Way ក្នុងសង្កាត់ពាណិជ្ជកម្ម ប្រទេសសិង្ហបុរី។

តាមរយៈឯកសាររបស់អាជ្ញាធរអភិវឌ្ឍន៍ទីក្រុង (URA) បានបង្ហាញថា អគារនេះមានកម្ពស់៣០៥ម៉ែត្រ ដែលនឹងវ៉ាដាច់អគារ Guoco Tower កម្ពស់២៨៤ម៉ែត្រ ដែលជាអគារខ្ពស់បំផុត នៅក្នុងប្រទេសសិង្ហបុរី នាពេលបច្ចុប្បន្ន។

អ្នកនាំពាក្យអាជ្ញាធរអភិវឌ្ឍន៍ទីក្រុង (URA) បានបញ្ជាក់នៅថ្ងៃសុក្រ ទី៥ ខែសីហា នេះថា អគារដែលត្រូវបានអនុម័ត ឱ្យសាងសង់នៅតាមប ណ្ដោយវិថី 8Shenton Way នេះនឹងក្លាយជាអគារខ្ពស់បំផុតនៅក្នុងប្រទេសសិង្ហបុរី។

អគារថ្មីនេះ នឹងត្រូវសាងសង់លើទីតាំងអគារAXA Tower កម្ពស់៥០ជាន់នៅតាមបណ្ដោយវិថី8Shenton Way ក្នុងសង្កាត់ Tanjong Pagar។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

យោងតាមទស្សនាវដ្តី Forbes បានឱ្យដឹងថា អគារនេះគ្រោងនឹងបញ្ចប់ការសាងសង់ជាស្ថាពរនៅឆ្នាំ២០២៨។ ទោះជាយ៉ាងណា គ្មានការបញ្ជាក់ថា តើអគារនេះនឹងត្រូវសាងសង់ ក្រោមទុនវិនិយោគប៉ុន្មានលានដុល្លារនោះឡើយ៕ CNA៕

LEAVE A REPLY

Please enter your comment!
Please enter your name here