អ្នកជំនាញៈ ទីផ្សារលំនៅដ្ឋានតម្លៃទាបនិងមធ្យមនៅតែមានតម្រូវការខ្ពស់

ដោយៈគង់ ម៉ាលីនណា

       ភ្នំពេញៈ ក្រុមអ្នកជំនាញបានអះអាងថា តម្រូវការលំនៅដ្ឋានតម្លៃទាប និងមធ្យមនៅតែមានកំនើនតម្រូវការក្នុងទីផ្សារ ដោយសារហេតុផលមួយចំនួន។

លោកឧកញ៉ាបណ្ឌិតគីម ហ៊ាងប្រធានKW Cambodiaបានមានប្រសាសន៍ឲ្យដឹងតាមទូរស័ព្ទកាលពីសប្តាហ៍មុនថា ដោយសារប្រជាពល​រដ្ឋកម្ពុជាមានភាពវ៏យក្មេងច្រើន ដែលអ្នកមានអាយុ៤៤ឆ្នាំចុះមានប្រមាណ១១លាននាក់ បានធ្វើឲ្យវិស័យអចលនទ្រព្យមានភាពរីកចម្រើនលឿន។

លោកបន្តថា “ការមានប្រជាពលរដ្ឋវ័យក្មេងច្រើន ពិតជាជួយធ្វើឲ្យវិស័យនេះនៅតែមានភាពរ៉ឹងមាំ ដោយសារពួកគាត់ត្រូវមានផ្ទះសម្បែងច្រើន ពួកគាត់ទើបរៀបការ ត្រូវការលំនៅដ្ឋានបន្ទាប់ពីបែកពីគ្រួសារ”។លោកបន្តថា “ដោយសារប្រជាជនមានជីវភាពមធ្យមច្រើន ទើបកំណើនលំនៅដ្ឋានតម្លៃមធ្យមនៅតែមានទីផ្សារ”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

វិស័យអចលនទ្រព្យត្រូវបានព្យាករថា នឹងបន្តងើបឡើងក្នុងអត្រា2,1ភាគរយនៅឆ្នាំនេះ  និងកើនដល់៥,២ភាគរយ ក្នុងឆ្នាំ២០២៣ ដោយសារការរំពឹងទុកនូវការងើបឡើងវិញ នៃសកម្មភាពទិញ-លក់ និងជួលអចលនទ្រព្យថ្លៃខ្ពស់ ខុនដូ និងអាផាតម៉ិន ស្របពេលការវិនិយោគ និងតម្រូវការក្នុងស្រុកលើអចលនទ្រព្យ ផ្នែកលំនៅឋានតម្លៃទាប និងមធ្យម ត្រូវបានរំពឹងទុកដែរថា បន្តរក្សាកំណើនល្អ។

នេះបើតាមសារាចរណែនាំរបស់សម្តេចតេជោ ហ៊ុន សែន ស្តីពី ការរៀបចំសេចក្តីព្រាងច្បាប់ហិរញ្ញវត្ថុ សម្រាប់ការគ្រប់គ្រងឆ្នាំ២០២៣។

លោកច្រឹក សុខនីម ប្រធាន​សមាគម​អ្នកវាយតម្លៃ និ​ងភ្នាក់ងារ​អចល​នវត្ថុបានលើកឡើងថា វិស័យអចលនទ្រព្យកម្ពុជា ចាប់ផ្តើមងើបឡើងវិញតាំងពីដើមឆ្នាំ ២០២២ ជាពិសេសគឺការរីកចម្រើន ផ្នែកសាងសង់លំនៅឋាន បុរី(ផ្ទះល្វែង) និងដី នៅតំបន់ជាយក្រុង។

វិស័យសំណង់ ក៏ត្រូវបានព្យាករថា នឹងបន្តងើបឡើងវិញក្នុងអត្រា៧.២ភាគរយក្នុងឆ្នាំ២០២៣ ដោយសារការរំពឹងទុកនូវការងើបឡើងវិញ នៃរំហូរវិនិយោគទុនពីបរទេស សម្រាប់សំណង់បម្រើឱ្យវិស័យទេសចរណ៍ និងពាណិជ្ជកម្ម៕

 

LEAVE A REPLY

Please enter your comment!
Please enter your name here