វិស័យអចលនទ្រព្យត្រូវប្រើពេល២ទៅ៣ឆ្នាំ ដើម្បីស្ដារឱ្យបានដូចមុនស្ថានភាពវិបត្តិកូវីដ១៩

ដោយៈ វឌ្ឈនៈ

ភ្នំពេញៈ ថ្វីត្បិតតែស្ថានភាពកូវីដ១៩ នៅក្នុងប្រទេសកម្ពុជាបានប្រសើរឡើងក៏ពិតមែន តែបើក្រលេកទៅមើលវិស័យអចលនទ្រព្យ នៅតែមិនទានមានភាពប្រសើរ ដូចមុនវិបត្តិកូវីដ១៩នៅឡើយ។
វិស័យនេះត្រូវការពេលវេលាសមស្រប ដើម្បីឱ្យដូចនឹងមុនកូវីដ១៩ ។

អ្នកជំនាញលើកឡើងវិ ស័យនេះត្រូវការប្រើរយៈបេល២ទៅ៣ឆ្នាំ ដើម្បីស្ដារឱ្យបានដូចនឹងមុនវិបត្តិ។
លោកប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានឱ្យដឹងតាមទូរស័ព្ទកាលពីថ្ងៃទី២ មិថុនាថា ផលប៉ះពាល់ទៅលើវិស័យអចលនទ្រព្យ នឹងនៅតែបន្តដរាបណាមេរោគកូវីដ១៩នេះ នៅតែបន្តរាលដាលនៅក្នុងប្រទេសកម្ពុជា និងនៅក្នុងលក្ខខណ្ឌសកលលោក។ បើរាប់ចាប់តាំងពីពេលនេះតទៅ យើងអាចប្រើពេលវេលាយ៉ាងហោចណាស់ក៏២ឆ្នាំដែរ ទើបអាចធ្វើឱ្យធ្វើវិស័យអចលនទ្រព្យកម្ពុជា វិលទៅរកស្ថានភាពដូចដើមក្នុងឆ្នាំ២០១៩វិញ។

លោកបន្តថា “បើសិនជាស្ថានភាពនេះ នៅតែបន្តរាលដាលបន្ថែមទៀត ការប្រើពេលដើម្បីស្ដារឱ្យវិស័យនេះ វិលទៅរកស្ថានភាពដូចដើមវិញក៏ត្រូវការប្រើពេលវេលាយូរជាងនេះដែរ”។ លោកបន្ថែមថា “យ៉ាងណាយើងក៏រំពឹងថាស្ថានភាពវានឹងល្អប្រសើរ ហើយយើងក៏អាចប្រើពេលខ្លីដើម្បីជំរុញនិងស្ដារឱ្យវិស័យអចលនទ្រព្យបានប្រសើរដូចគ្នាដែរ”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកប៉ូ អ៊ាវគង់បានបន្ថែមថា ទោះបីជាមានការរីករាលដាល នៃកូវីដ១៩ក៏ដោយ ក៏សកម្មភាពនៃសេដ្ឋកិច្ចកម្ពុជា បន្តដំណើរទៅមុខជាបន្តបន្ទាប់ ពីព្រោះយើងបានចាក់វ៉ាក់សាំង ដល់ប្រជាពលរដ្ឋជាច្រើនលើសលប់ដែលអាចធ្វើឱ្យមេរោគនេះ ឆ្លងហើយតែមិនមានលក្ខណៈធ្ងន់ធ្ងរ ។

លោកបញ្ជាក់ថា សកម្មភាពអចលនទ្រព្យ ក្នុងប្រទេសកម្ពុជាពេលនេះ យើងក៏មិនទាន់ឃើញ មានការវិនិយោគថ្មីៗច្រើននៅឡើយ ហើយការជួលវិញ ក៏ឃើញថាមិនទាន់ទូលំទូលាយដែរ គឺមានតែមួយចំណែកប៉ុណ្ណោះ ជាពិសេសនៅក្នុងតែរាជធានីភ្នំពេញ ដោយនៅបណ្ដាខេត្តក៏មិនទាន់មានសកម្មភាព ជួលអចលនទ្រព្យច្រើនទូលំទូលាយដែរ។

ទោះបីជាស្ថានភាពនៃវិបត្តិ មិនទាន់មានភាពប្រសើរ ក្នុងក្របខណ្ឌសកលក្ដីតែ កម្ពុជាបានធូរស្រាលសម្រាប់វិបត្តិកូវីដ១៩ និងមានការវិនិយោគលើអចលនទ្រព្យឡើងវិញបន្តបន្ទាប់ ហើយរំពឹងថាវិស័យអចលនទ្រព្យនឹងប្រសើរបន្តិចម្ដងៗ។

អ្នកនាងគឹម គិនកេសា អ្នកគ្រប់គ្រងជាន់ខ្ពស់នៃ CBRE Cambodia ក៏បានលើកឡើងផងដែរថា វិស័យនេះប្រសើរ និងមានការវិនិយោគពីប្រទេសឡើងវិញឆាប់ឬយឺតនោះ អាស្រ័យលើកត្តាពីរ គឺកូវីដ១៩ក្របខណ្ឌសកល និងវិបត្តិនៃសង្គ្រាមរវាងអ៊ុយក្រែននិងរុស្ស៊ី៕

LEAVE A REPLY

Please enter your comment!
Please enter your name here