ដោយៈគង់ សូរិយា
កំពង់ឆ្នាំងៈ លក់ដីទំហំ១០គុណនឹង៣០ម៉ែត្រ ដោយមានធ្វើរបងជូន លោកហ៊ិន រស់ម្ចាស់ភូមិចំការដូងរីសតបានមានប្រសាសន៍ថា ការវិនិយោគបែននេះមិនផ្តល់ផលចំណេញទេ នាពេលនេះ តែចំណេញនាពេលក្រោយ។
លោកបានសរសេរលើបណ្តាញទំនាក់ទំនងសង្គមកាលពីថ្ងៃទី២ មិថុនាថា កុំពុងតែគិតថាតើគួរធ្វើបែបណាអោយផ្លែកពីគេ និងរៀបចំកន្លែងរស់នៅអោយមានផាសុខភាព។
លោកបន្តថា “មានថៅកែដីមួយចំនួនសួរខ្ញុំថា តើបងធ្វើគម្រោងហ្នឹងចំណេញដែរ? បើអភិវឌ្ឍន៍ច្រើនបែបនេះ នៅលើដីហើយលក់តំលៃថោកបែបនេះ?”។ លោកបន្តថា “ខ្ញុំឆ្លើយថារកស៊ីមិនសុទ្ធតែចំនេញរហូតទេ ពេលខ្លះត្រូវខាតដើម្បីចំណេញ ហើយពេលខ្លះខាតពេលនេះ តែចំណេញពេលក្រោយ ណាមួយយើងម្នាក់ឯងហូបប៉ុណ្ណឹងគ្រប់គ្រាន់ហើយ ចែកគេហូបខ្លះទៅ”។
លោកហ៊ិន រស់បានបន្តទៀតថា “ការរកស៊ីបើគិតតែផលចំណេញមួយមុខទៅមិនរួចទេ”។
ភូមិចំការដូងរីសត ជាគំរោងដីលំហែរកាយ នៅជាយរាជធានីភ្នំពេញ ដែលមានចម្ងាយ ប្រមាណ៥០គីឡូម៉ែត្រពីរាជធានីភ្នំពេញ និងជាដីដែលអភិវឌ្ឍន៍ឡើងពីដីព្រៃរបស់ ដែលបច្ចុប្បន្នបានទាក់ទាញអ្នកទិញកាន់តែច្រើន ព្រោះម្ចាស់គំរោងនេះបានផ្តល់នូវសេវាកម្មជាច្រើនដល់អតិថិជន។
លោកហ៊ិន រស់បានសម្រេចចិត្តពុះដីលំហែរលក់ ក្នុងទំហំ១០ហិកតា ដែលឡូត៍និមួយៗ មានតម្លៃត្រឹម៤០០០ដុល្លារអាមេរិកប៉ុណ្ណោះ ពិសេសមានការសាងសង់របងថ្មព័ទ្ឋជុំវិញយ៉ាងស្រស់ស្អាត៕
