ដោយៈ ម៉ាណេត
សឹង្ហបុរីៈ ទីផ្សារលក់រាយនៅសិង្ហបុរី បានធ្លាក់ចុះ៦,១ភាគរយ ក្នុងខែមករា ធៀបនឹងការធ្លាក់ចុះ៣,៣ភាគរយ កាលខែធ្នូ ឆ្នាំមុន ខណៈវិបត្តិកូវីដ១៩បាននិងកំពុងបន្តបង្កផលប៉ះពាល់ដល់ទីផ្សារនេះ។ នេះបើយោងតាមការចេញផ្សាយនៅថ្ងៃទី៥ ខែមីនា ឆ្នាំ២០២១។
នាយកដ្ឋានស្ថិតិសិង្ហបុរី (SingStat) បានឱ្យដឹងនៅថ្ងៃសុក្រ (ថ្ងៃទី៥ ខែមីនា) ថា ទីផ្សារលក់នៅក្នុងខែមករា ឆ្នាំនេះ បង្ហាញការធ្លាក់ចុះខ្លាំង ដោយសារទីផ្សារលក់រាយមានកើនឡើងខ្ពស់កាលលពីខែមករា ឆ្នាំមុន អំឡុងពេលពិធីបុណ្យចូលឆ្នាំចិន។
ដោយមិនរាប់បញ្ចូលការលក់យានយន្ត ការលក់រាយបានធ្លាក់ចុះ៨,៤ភាគរយ ក្នុងខែមករា ធៀបនឹងការធ្លាក់ចុះ៤,២ភាគរយកាលពីខែធ្នូ ឆ្នាំ២០២១។
នាយកដ្ឋានស្ថិតិសិង្ហបុរីបានឱ្យដឹងថា ក្នុងខែមករា ទីផ្សារលក់រាយសរុបមានទំហំទឹកប្រាក់៣,៨ពាន់លានដុល្លារសិង្ហបុរី។ការលក់រាយតាមអនឡាញ មានប្រហែល១០,៣ភាគរយ នៃការលក់សរុបទាបជាងការចុះ ១០,៩ភាគរយកាលពីខែធ្នូ ឆ្នាំមុន។
ការលក់រាយមិនរាប់បញ្ចូលយានយន្ត មានទំហំទឹកប្រាក់៣,២ពាន់លានដុល្លារសិង្ហបុរី ក្នុងនោះការលក់តាមអនឡាញ ដែលមានចំនួន១២,១ភាគរយនៃការលក់សរុប។
ឧបករណ៍កុំព្យួទ័រ និងទូរគមនាគមន៍ តាមរយៈការលក់រាយលើអនឡាញ បានរួមចំណែក៤០,៨ភាគរយ នៃចំណូលសរុប២៣,២ភាគរយ នៃការលក់គ្រឿងសង្ហារិម និងឧបករណ៍ប្រើប្រាស់ក្នុងផ្ទះ និង១១,៦ភាគរយនៃការលក់នៅផ្សារទំនើប៕