ដោយ៖ សាវុធ
ភ្នំពេញ៖ អ្នកជំនាញអន្តរជាតិបានលើកឡើងថា ជាមួយនឹងសេដ្ឋកិច្ចកំពុងមានការការងើបឡើងវិញយ៉ាងឆាប់រហ័ស និងតម្លៃផ្ទះគួរឱ្យទាក់ទាញ វាជាពេលវេលាដ៏ល្អ សម្រាប់វិនិយោគិន ក្នុងការបោះទុនក្នុងវិស័យអចលនទ្រព្យ។ នេះបើយោងតាមការចេញផ្សាយ របស់សារព័ត៌មាន Business Standard នៅថ្ងៃទី៩ ខែកុម្ភៈ ឆ្នាំ២០២១។
អ្នកនាញបានលើកឡើងថា ជាទូទៅមិនថានៅប្រទេសកម្ពុជា និងបណ្តាលប្រទេសផ្សេងៗទៀត អ្នក ដែលមានថវិកាច្រើន ហើយកំពុងសម្លឹងរកមើលការវិនិយោគទិញលំនៅដ្ឋានឥឡូវនេះ អាចជាជម្រើសដ៏ល្អមួយ សម្រាប់ទស្សនវិស័យវែងឆ្ងាយ។
ការរំពឹងទុកផលចំណេញត្រឡប់មកវិញរបស់វិនិយោគិន ពីការវិនិយោគលើអចលនទ្រព្យ នឹងមានលទ្ធផលល្អ ដោយសារការវិនិយោគលើអចលនទ្រព្យ គឺការវិនិយោគមួយមានសុវត្ថិភាព ស្របពេលកំណើនសេដ្ឋកិច្ចត្រូវបានរំពឹងទុកថានឹងមានសញ្ញាវិជ្ជមាននៅឆ្នាំនេះ។ យោងតាមក្រុមហ៊ុនពិគ្រោះយោបល់ផ្នែកអចលនៈទ្រព្យ ANAROCK។
លោក Prashant Thakur ប្រធានក្រុមហ៊ុន ANAROCK Property ដែលមានមូលដ្ឋានៅឥណ្ឌា បានថ្លែងថា មិនថានៅប្រទេសឥណ្ឌា ឬប្រទេសដទៃទៀតទេ ក្នុងតំណាក់កាលនេះ វិនិយោគិនត្រូវតែមានសកម្មវិនិយោគឡើងវិញ ហើយបើមិនដូច្នេះទេ ការទទួលបានប្រាក់ចំណេញយ៉ាងឆាប់រហ័ស និងច្រើនពីអចលនទ្រព្យ នឹងអាចរសាត់បាត់នាមុខឆាប់ៗនេះ។
លោកបានបន្តថា វិនិយោគិន ត្រូវតែបោះជំហានក្នុងទីផ្សារអចលនទ្រព្យនាពេលនេះ ព្រោះផលចំណេញត្រឡប់មកវិញ ពីការវិនិយោគច្បាស់ណាស់ ដែលវិនិយោគិនទទួលបាន នាពេលអនាគត។
លោកបានថ្លែងទៀតថា ការវិនិយោគលើអចលនទ្រព្យរយៈពេលខ្លីមិនទាន់ទទួលបានផលចំណេញនោះទេ ប៉ុន្តែការកើនឡើងនៃតម្រូវការនឹងធ្វើឱ្យតម្លៃឡើងថ្លៃរយៈពេលវែង៕
