ដោយ: សហសេវិក
អន្តរជាតិ: តម្លៃប្រេងឆៅបានកើនឡើងនៅថ្ងៃព្រហស្បតិ៍នេះ បន្ទាប់ពីអ៊ីរ៉ង់បានចោទប្រកាន់សហរដ្ឋអាមេរិកពីបទរំលោភបទឈប់បាញ់រយៈពេលពីរសប្តាហ៍ ដែលបង្កើនការព្រួយបារម្ភថា ភាពតានតឹងអាចកើនឡើងម្តងទៀត និងរំខានដល់ការផ្គត់ផ្គង់ថាមពល។
លោក Mohammad Bagher Ghalibaf ប្រធានសភាអ៊ីរ៉ង់ បានអះអាងថា ទីក្រុងវ៉ាស៊ីនតោនបានរំលោភលើលក្ខខណ្ឌនៃកិច្ចព្រមព្រៀងឈប់បាញ់។
លោក Ghalibaf បានសរសេរនៅក្នុងសេចក្តីថ្លែងការណ៍មួយដែលបានបង្ហោះនៅលើប្រព័ន្ធផ្សព្វផ្សាយសង្គមថា ការមិនទុកចិត្តគ្នាយ៉ាងជ្រាលជ្រៅជាប្រវត្តិសាស្ត្រដែលយើងមានចំពោះសហរដ្ឋអាមេរិក កើតចេញពីការរំលោភបំពានម្តងហើយម្តងទៀតរបស់អាមេរិកលើគ្រប់ទម្រង់នៃការប្តេជ្ញាចិត្ត ដែលជាគំរូមួយគួរឱ្យសោកស្ដាយ។
តម្លៃប្រេងឆៅ Brent future សម្រាប់ចែកចាយនៅខែមិថុនាបានកើនឡើង២,០៨ភាគរយដល់៩៦,៨៣ដុល្លារក្នុងមួយបារ៉ែល ខណៈតម្លៃប្រេងឆៅWest Texas Intermediate របស់សហរដ្ឋអាមេរិកសម្រាប់ខែឧសភាបានកើនឡើង២,៨៦ភាគរយដល់៩៧,២៧ដុល្លារក្នុងមួយបារ៉ែល៕
