ដោយគង់ ម៉ាលីនណា
ភ្នំពេញៈ រដ្ឋាភិបាលបានសម្រេចជ្រើសរើសក្រុមហ៊ុន Powerchina International Group ជាដៃគូឯកជនក្នុងការសិក្សា និងអភិវឌ្ឍន៍សំណើរគំរោងសាងសង់អាកាសយាន ដ្ឋានថ្មីខ្នាតតំបន់ នៅខេត្តមណ្ឌលគិរី។
យោងតាមលិខិតគណរដ្ឋមន្ត្រីលេខ១១៦ សជណ ចុះថ្ងៃទី៣១ ធ្នូ ឆ្នាំ២០២០ ចុះហត្ថលេខាដោយលោកបណ្ឌិតសភាចារ្យហ៊ីង ថូរ៉ាក់ស៊ី ដែលបានផ្ញើរជូនឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។ ផ្ញើរជូនឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងស្ថាប័នពាក់ព័ន្ឋបានឲ្យដឹងថា ទីស្តីការគណៈរដ្ឋមន្ត្រីសូមជម្រាបជូនឯកឧត្តមជ្រាបថា រាជរដ្ឋាភិបាលបានសម្រេចជាគោលការណ៍ដូចខាងក្រោម ទី១ ជ្រើសរើសក្រុមហ៊ុន Powerchina International Group ជាដៃគូឯកជន ក្នុងការសិក្សា និងអភិវឌ្ឈន៍អាកាសយានដ្ឋានខាងលើនេះ។
ទី២ អនុញ្ញាត្តឲ្យរដ្ឋលេខាធិការដ្ឋានអាកាសចរណ៍ស៊ីវិល ដឹកនាំរៀបចំកិច្ចព្រមព្រៀងក្របខ័ណ្ធ Framework Agreement ជាមួយក្រុមហ៊ុន Powerchina International Group តាមនិតិវិធីជាធរមានដូចបានអនុវត្តន៍កន្លងមក សម្រាប់គំរោងផ្លូវល្បឿនលឿនភ្នំពេញ ព្រះសីហនុ និងគំរោងផ្លូវល្បឿនលឿនភ្នំពេញ បាវិត៕
