ដោយៈម៉ាណេត
ភ្នំពេញៈ ក្រុមហ៊ុន SmartLuy PLC ដែលជាក្រុមហ៊ុនបុត្រសម្ព័ន្ធរបស់ Axiata Group Bhd បានច្របាច់បញ្ចូលគ្នាជាមួយប្រព័ន្ធ Pi Pay PLC បន្ទាប់ពីក្រុមហ៊ុនជាតិនៃកម្ពុជា និងក្រសួងពាណិជ្ជកម្មកម្ពុជា បានអនុម័តការធ្វើសមាហរណកម្មនេះ។
ក្រុមហ៊ុនផ្តល់បណ្តាញទូរគមនាគមន៍ចល័ត Axiata Group បានឱ្យដឹងនៅក្នុងសេចក្តីជូនដំណឹងមួយ នៅផ្សារហ៊ុន Bursa Malaysia អំពីការដាក់ពាក្យសុំច្រដាច់បញ្ចូលគ្នា ដែលទទួលបានជោគជ័យ ពីក្រុមហ៊ុនជាតិនៃកម្ពុជា និងក្រសួងពាណិជ្ជកម្មកម្ពុជា កាលពីម្សិលមិញ។
សេចក្តីប្រកាសរបស់ក្រុមហ៊ុនបានឲ្យដឹងថា “ការច្របាច់បញ្ចូលគ្នារបស់ក្រុមហ៊ុន SmartLuy នឹងមិនមានផលប៉ះពាល់ទៅលើប្រាក់ចំណូល ឬទ្រព្យសម្បត្តិសុទ្ធរបស់ក្រុមហ៊ុន Axiata Groupសម្រាប់ឆ្នាំហិរញ្ញវត្ថុ ដែលបញ្ចប់នៅថ្ងៃទី៣១ ខែធ្នូឆ្នាំ ២០២០ នោះទេ។ក្រុមហ៊ុន Axiata Group បានឱ្យដឹងថា “ការវិនិយោគរបស់ក្រុមហ៊ុន SmartLuy ប្រមាណ២លានដុល្លារអាមេរិក (ប្រហែល ៨.៥៣ លានរីងហ្គីដ)។
ក្រុមហ៊ុន Axiata Group បានបន្តថា ក្រុមហ៊ុន SmartLuy គឺជាក្រុមហ៊ុនបុត្រសម្ព័ន្ធមួយដែលកាន់កាប់ តាមរយៈក្រុមហ៊ុន Smart Axiata Co Ltd និងក្រុមហ៊ុនAxiata (Cambodia) Holdings Ltd ។
ក្រុមហ៊ុនបានអះអាងថា Pi Pay គឺជាកម្មវិធីទូទាត់ប្រាក់អេឡិចត្រូនិក ឈានមុខគេមួយនៅក្នុងប្រទេសកម្ពុជា។
នៅប្រទេសម៉ាឡេស៊ី សព្វថ្ងៃតម្លៃភាគហ៊ុនរបស់ក្រុមហ៊ុន Axiata Group បានកើនឡើងមួយសេនឬ០,២៩ ភាគរយ៕
