ដោយ: គង់ លាងហួរ
អន្តរជាតិ: ផ្សារហ៊ុននៅតំបន់អាសុីបានងើបឡើងថ្លៃនៅព្រឹកថ្ងៃព្រហស្បតិ៍នេះ ខណៈសន្ទស្សន៍តម្លៃទំនិញប្រើប្រាស់ស្នូល (CPI) របស់សហរដ្ឋអាមេរិក ដែលមិនរាប់បញ្ចូលតម្លៃម្ហូបអាហារ និងថាមពលបានកើនឡើង០,២ភាគរយក្នុងខែធ្នូ ឆ្នាំ២០២៤ បើធៀបនឹងការរំពឹងទុកចំនួន០,៣ភាគរយ។
តាមរយៈការជួញដូរនៅលើទីផ្សារ សន្ទស្សន៍ផ្សារហ៊ុននៅតំបន់អាស៊ីរបស់ក្រុមហ៊ុនអាមេរិក MSCI នៅក្រៅប្រទេសជប៉ុនបានងើបឡើងថ្លៃចំនួន១,២៣ភាគរយ គិតត្រឹមម៉ោង១០:៥១នាទីព្រឹក។
ជាមួយគ្នានេះ សន្ទស្សន៍ផ្សារហ៊ុន Nikkei របស់ប្រទេសជប៉ុនបានងើបឡើងថ្លៃ០,៤៩ភាគរយ ខណៈផ្សារហ៊ុន Topix បានងើបឡើងថ្លៃ០,១៣ភាគរយ ហើយសន្ទស្សន៍ផ្សារហ៊ុន Hang Seng របស់ទីក្រុងហុងកុងបានងើបឡើងថ្លៃ០,៨២ភាគរយ។
ដោយឡែក សន្ទស្សន៍ផ្សារហ៊ុនបន្ទះឈីប CSI300 របស់ប្រទេសចិនបានងើបឡើងថ្លៃប្រមាណ០,០២ភាគរយ ខណៈពេលសន្ទស្សន៍ផ្សារហ៊ុន Shanghai Composite បានងើបឡើងថ្លៃ០,២១ភាគរយ។
ចំណែកឯ ផ្សារហ៊ុន S&P /ASX 200 របស់ប្រទេសអូស្ត្រាលីបានងើបឡើងថ្លៃ១,៣១ភាគរយ ខណៈដែលសន្ទស្សន៍ផ្សារហ៊ុន KOSPI របស់ប្រទេសកូរ៉េខាងត្បូងបានងើបឡើងថ្លៃ១,១៩ភាគរយ៕
 របស់សហរដ្ឋអាមេរិក ដែលមិនរាប់បញ្ចូលតម្លៃម្ហូបអាហារ និងថាមពលបានកើនឡើង០,២ភាគរយក្នុងខែធ្នូ ឆ្នាំ២០២៤ បើធៀបនឹងការរំពឹងទុកចំនួន០,៣ភាគរយ។){kind=link}