ដោយៈ ម៉ាណេត
ភ្នំពេញៈ ធនាគារ អេស៊ីលីដា ភីអិលស៊ី នៅថ្ងៃទី១៣ ខែកក្កដា ឆ្នាំ២០២០ បានប្រកាសថា ដើម្បីចូលរួមគាំទ្រការរីកលូតលាស់ អាជីវកម្មរបស់អតិថិជន ធនាគារ អេស៊ីលីដា ភីអិលស៊ី បានបញ្ចុះការប្រាក់ពី ០,៤% រហូតដល់ ១% ក្នុង១ឆ្នាំបន្ថែមទៀត លើការស្នើសុំឥណទានថ្មីគ្រប់ប្រភេទ ដែលមានសុពលភាពចាប់ពីថ្ងៃជូនដំណឹងនេះតទៅ។
អតិថិជនទាំងអស់អាចដាក់សំណើសុំតាមរយៈ អេស៊ីលីដាទាន់ចិត្ត ឬនៅតាមការិយាល័យធនាគារ អេស៊ីលីដា ភីអិលស៊ី រាជធានី ខេត្ត ក្រុង ដើម្បីឲ្យភ្នាក់ងារយើងខ្ញុំធ្វើការទំនាក់ទំនង និងរៀបចំជូនបានទាន់ពេល។
គិតត្រឹមដំណាច់ខែមីនា ឆ្នាំ២០២០ នេះ ធនាគារ អេស៊ីលីដា ភីអិលស៊ី មានទ្រព្យសកម្មសរុបចំនួន២៥,០១ ទ្រីលានរៀល (៦,១៥ ប៊ីលានដុល្លារអាមេរិក) សមតុល្យឥណទានសរុបចំនួន១៦,២២ ទ្រីលានរៀល (៣,៩៩ ប៊ីលានដុល្លារអាមេរិក) និងប្រាក់បញ្ញើសន្សំសរុបចំនួន ១៧,៦៩ ទ្រីលានរៀល (៤,៣៥ ប៊ីលានដុល្លារអាមេរិក)៕
