វិទ្យាស្ថានកាទូតរៀបចំសិក្ខាសាលាផ្តោតលើការគ្រប់គ្រងវិបត្តិ

ដោយៈ និស្ស័យ

        ភ្នំពេញៈ វិទ្យាស្ថានជាតិការទូត និងទំនាក់ទំនងអន្តរជាតិ បានរៀបចំសិក្ខាសាលាការទូត ស្ដីពី “ការគ្រប់គ្រងវិបត្តិ (Diplomatic Crisis Management Seminar: Integrating Theory and Practice » នៅថ្ងៃទី២៦ ខែមីនា ឆ្នាំ២០២៤ ។

សិក្ខាសាលានេះ មានការអញ្ជើញចូលរួម ដោយថ្នាក់ដឹកនាំក្រសួង  និងប្រធានបេសកកម្មការទូតកម្ពុជាប្រចាំនៅបរទេស។

សិក្ខាសាលានេះ បានផ្តល់ជូននូវការយល់ដឹងទូលំទូលាយ អំពីការគ្រប់គ្រងវិបត្តិ បង្កើនទំនុកចិត្តនៃការធ្វើសេចក្ដីសម្រេចចិត្ត ការធ្វើទំនាក់ទំនង និងជំនាញភាពជាអ្នកដឹកនាំ លើការគ្រប់គ្រងស្ថានភាពមានវិបត្តិនានា។

ថ្លែងសុន្ទរកថាស្វាគមន៍ និងបិទអង្គសិក្ខាសាលា លោកបណ្ឌិត អ៊ុន ឃាង រដ្ឋលេខាធិការក្រសួងការបរទេស ក្នុងនាមជាតំណាងឯកឧត្តមឧបនាយករដ្ឋមន្ត្រី សុខ ចិន្តាសោភា បានសង្កត់ធ្ងន់អំពីតួនាទីដ៏សំខាន់របស់មន្ត្រីការទូត អំពីការឆ្លើយតបភ្លាមៗទៅនឹងស្ថានភាពវិបត្តិ តាមរយៈសេណារីយ៉ូផ្សេងៗ  ដើម្បីធានាដល់ផលប្រយោជន៍របស់ប្រជាជន និងប្រទេសកម្ពុជា៕