ដោយៈ គង់ ម៉ាលីនណា
ភ្នំពេញៈ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានជំរុញពាណិជ្ជកម្ម លោកកៅ កោសល បានអញ្ជើញចូលរួមក្នុងសិក្ខាសាលាស្តីពី “ការផ្សព្វផ្សាយពីតម្រូវការនាំចូលផលិតផលរបស់ប្រទេសជប៉ុន ម៉ាឡេស៊ី និងសាធារណរដ្ឋកូរ៉េ។
កិច្ចប្រជុំនេះ មានការចូលរួមពីមន្រ្តីជំនាញ នៃក្រសួងពាណិជ្ជកម្ម អាជីវករ ពាណិជ្ជករ និងសហគ្រិនកម្ពុជា។
គោលបំណងនៃសិក្ខាសាលាខាងលើនេះ គឺដើម្បីផ្តល់ឱកាសឱ្យអាជីវករ ពាណិជ្ជករ និងសហគ្រិនកម្ពុជា ទទួលបានចំណេះដឹងថ្មីៗ និងនីតិវិធីនាំចេញ ដើម្បីធានាបាននូវការនាំចេញផលិតផលក្នុងស្រុកទៅកាន់ទីផ្សារអន្តរជាតិ ប្រកបដោយប្រសិទ្ធភាព ជាពិសេសស្វែងយល់ពីតម្រូវការទីផ្សារ បរិយាកាសធុរកិច្ច ផ្នត់គំនិត និងរសនិយមរបស់អ្នកប្រើប្រាស់ នៅក្នុងប្រទេសជប៉ុន ម៉ាឡេស៊ី និងសាធារណរដ្ឋកូរ៉េ៕
