ដោយៈ គង់ ម៉ាលីនណា
ភ្នំពេញៈ តំបន់សេដ្ឋកិច្ចពិសេសនៅកម្ពុជា កំពុងមានសញ្ញាកើនឡើង ស្របពេលទំហំពាណិជ្ជកម្មនាំចេញពីកម្ពុជា បានកើនឡើងជារៀងរាល់ឆ្នាំ។
យោងតាមទិន្នន័យពីក្រុមប្រឹក្សាអភិវឌ្ឍន៍កម្ពុជា(CDC)បានបង្ហាញថា តំបន់សេដ្ឋកិច្ចពិសេស ក្នុងរយៈពេលប៉ុន្មានឆ្នាំចុងក្រោយនេះ ទិន្នផលនាំចេញនៃតំបន់សេដ្ឋកិច្ចពិសេស បានកើនឡើងយ៉ាងខ្លាំង។ តួលេខចុងក្រោយ ដែលCDC ផ្សព្វផ្សាយទូទាំងប្រទេសកម្ពុជា មានតំបន់សេដ្ឋកិច្ចពិសេស ដែលកំពុងមានដំណើរការចំនួន២៤ ជាមួយនឹងគម្រោងវិនិយោគជិត៦០០ និងបានបង្កើតការងារជាង ១៦ម៉ឺនកន្លែង។
លោកបន្តថា “នីតិវិធីនាំចេញ-នាំចូលដ៏សាមញ្ញ និងអត្ថប្រយោជន៍ពន្ធ ដែលផ្តល់ជូននៅក្នុងតំបន់ទាំងនេះ នឹងធ្វើឱ្យពួកគេមានភាពទាក់ទាញជាពិសេសសម្រាប់អាជីវកម្ម”។
លោកបណ្ឌិតហុង វណ្ណៈអ្នកស្រាវជ្រាវសេដ្ឋកិច្ចនៃរាជបណ្ឌិតសភាកម្ពុជាបានមានប្រសាសន៍ថា លើសពីអត្ថប្រយោជន៍បរិស្ថាន តំបន់សេដ្ឋកិច្ចពិសេស ក៏នឹងដើរតួជាកាតាលីករ សម្រាប់ការធ្វើពិពិធកម្ម និងកំណើនសេដ្ឋកិច្ច។ បើតាមដឹង គម្រោងនេះបង្កើតឱកាសការងារសំខាន់ៗយ៉ាងច្រើន សម្រាប់ពលរដ្ឋយើង ដែលអាចនឹងរួមចំណែកដល់ការបង្កើនប្រាក់ចំណូលជាតិ។
លោកបញ្ជាក់ថា “ការអភិវឌ្ឍតំបន់សេដ្ឋកិច្ចពិសេស គឺជាកត្តាជំរុញដ៏សំខាន់ សម្រាប់ទាក់ទាញអ្នកវិនិយោគទាំងក្នុង និងក្រៅប្រទេស”៕