ដោយ: គង់ លាងហួរ
ហាណូយ: យោងតាមស្ថិតិថ្មីមួយ បានបង្ហាញថា វិស័យអចលនទ្រព្យ បានដើរតួនាទីយ៉ាងធំបំផុត ក្នុងការស្រូបទាញលំហូរវិនិយោគផ្ទាល់ពីបរទេស(FDI) នៅក្នុងខែមករា ឆ្នាំ២០២៤ នេះ។នេះបើយោងតាមការចុះផ្សាយដោយសារព័ត៌មាន Vietnam News។
ប្រភពសារពត៌មានខាងលើបានបន្តថា តម្រូវការអចលនទ្រព្យនៅក្នុងប្រទេសវៀតណាមជន ក៏កំពុងពុះកញ្ជ្រោលខ្លាំងផងដែរ ក្នុងចំណោមពលរដ្ឋបរទេសជាច្រើន។
យោងតាមទីភ្នាក់ងារវិនិយោគបរទេស (FIA) បានរាយការណ៍ថា លំហូរទុនវិនិយោគពីបរទេស មានទំហំ១,២៧ពាន់លានដុល្លារ បានចូលក្នុងវិស័យអចលនទ្រព្យ នៅក្នុងខែមករា ស្មើនឹង៥៣,៩% នៃដើមទុនវិនិយោគសរុបដែលត្រូវបានចុះបញ្ជី។
តាមរយៈចំណែកដ៏ធំនេះ បានធ្វើឱ្យវិស័យអចលនទ្រព្យជាប់ចំណាត់ថ្នាក់លេខ១ ក្នុងនាមជាវិស័យដែលទាក់ទាញលំហូរ FDI ច្រើនជាងគេ ចូលមកកាន់ប្រទេសវៀតណាម ស្របពេលដែលវិស័យកែច្នៃ និងផលិតកម្ម ជាប់ចំណាត់ថ្នាក់លេខ២។
ជាមួយគ្នានេះ ទីភ្នាក់ងារ FIA បានរាយការណ៍ទៀតថា រំហូរ FDIភាគច្រើន ត្រូវបានចាក់បញ្ចូលទៅក្នុងទីក្រុងហាណូយ ដោយសារតែរដ្ឋធានីមួយនេះ មានគម្រោងលំនៅដ្ឋានធំៗជាច្រើន ដែលមានតម្លៃសរុបជាង៦៦២លានដុល្លារអាមេរិក។
បច្ចុប្បន្ននេះ តម្រូវការអចលនទ្រព្យ នៅក្នុងប្រទេសវៀតណាមកំពុងមានការហក់ឡើងខ្លាំង ជាពិសេសក្នុងចំណោមជនបរទេស។
ជាក់ស្តែង ការស្ទង់មតិរបស់វិទ្យាស្ថានស្រាវជ្រាវ អចលនទ្រព្យវៀតណាម (VIRES) បានបង្ហាញថា អ្នកធុរកិច្ច ដែលចូលមកបណ្តាក់ទុនវិនិយោគ លើវិស័យចលនទ្រព្យនៅវៀតណាម រួមមាន ដូចជា សហរដ្ឋអាមេរិក កូរ៉េខាងត្បូង និងសិង្ហបុរីជាដើម៕ល៕
