ដោយៈ គង់ សូរិយា
ភ្នំពេញៈ រដ្ឋមន្ត្រីក្រសួងរ៉ែ និងថាមពល លោកកែវ រតនៈ បាន បញ្ជាក់ឲ្យដឹងថា ក្រុមហ៊ុនរបស់ជប៉ុនមួយ បានប្រកាសឈានជើងមកបង្កើតរោងចក្រនៅក្នុងប្រទេសកម្ពុជា ដើម្បីជួយលើកស្ទួយដំណាំស្វាយចន្ទី និងកែច្នៃនាំចេញទៅកាន់ទីផ្សារប្រទេសជប៉ុន។
លោកបានបន្តថា ក្រុមហ៊ុនជប៉ុនដែលមកពង្រីក រោងចក្រនៅក្នុងប្រទេសកម្ពុជា នឹងធ្វើការកែច្នៃទាំងការយកគ្រាប់ ការចម្រាញ់ប្រេង ការយកសំបក និងកាកសំណល់ធ្វើផលិតផល ថាមពលជីវម៉ាសសម្រាប់នាំចេញទៅទីផ្សារជប៉ុន។
លោករដ្ឋមន្រ្តីបានបន្តថា ប្រភពថាមពលស្អាតលើសពី៥០% និងស្ថិរភាពនយោបាយនៅកម្ពុជា គឺជាប្រភពនៃការទាក់ទាញសម្រាប់ក្រុមហ៊ុនមកវិនិយោគ។
ទោះជាយ៉ាងណា លោកមិនបញ្ជាក់ឲ្យដឹងពីឈ្មោះក្រុមហ៊ុន និងទំហំទុន ដែលក្រុមហ៊ុននោះគ្រោងចំណាយនៅឡើយទេ៕
