ដោយ: គង់ លាងហួរ
សិង្ហបុរី: ផ្សារហ៊ុនបានដាំក្បាលចុះនៅថ្ងៃសុក្រនេះ ក្រៅពីការហក់ឡើងថ្លៃដ៏លេចធ្លោនៅក្នុងប្រទេសជប៉ុន ខណៈការហក់ឡើងថ្លៃនៃភាគហ៊ុនបញ្ញាសិប្បនិម្មិតបានផ្អាកទៅវិញ។
សន្ទស្សន៍ផ្សារហ៊ុនអាស៊ីប៉ាស៊ីហ្វិកដ៏ទូលំទូលាយរបស់ MSCI នៅខាងក្រៅប្រទេសជប៉ុនបានហក់ឡើងខ្ពស់០,៣ភាគរយក្នុងពាណិជ្ជកម្មដែលធ្លាក់ចុះដោយសារថ្ងៃឈប់សម្រាកក្នុងទីក្រុងហុងកុង។។សន្ទស្សន៍នេះធ្លាក់ចុះ១,៦ភាគរយនៅសប្តាហ៍នេះ។
ផ្ទុយទៅវិញ ផ្សារហ៊ុន Nikkei របស់ប្រទេសជប៉ុនបានហក់ឡើង០,៧ភាគរយ ហើយកំពុងមានសន្ទុះពីលំហូរចូលពីបរទេស និងជំរុញឱ្យមានការកើនឡើងនៃប្រាក់ចំណូល និងការផលិតសម្រាប់ក្រុមហ៊ុនផលិតបន្ទះឈីបរបស់សហរដ្ឋអាមេរិក Nvidia។
ទន្ទឹមនឹងនោះ ការធ្លាក់ថ្លៃនៃរូបិយប័ណ្ណប្រាក់យ៉េនក៏បានជួយសម្រួលដល់គណនីរបស់ក្រុមហ៊ុននាំចេញរបស់ប្រទេសជប៉ុនផងដែរ។ សន្ទស្សន៍ប្រាក់ដុល្លារអាមេរិកបានហក់ឡើងដល់កម្រិតខ្ពស់រយៈពេលបីខែគឺ១០៤,៣១ពិន្ទុ ពេញមួយយប់ ហើយចុងក្រោយធ្លាក់មកនៅត្រឹម១០៤,១៦ពិន្ទុ។
រូបិយប័ណ្ណប្រាក់យ័នគឺជាជនរងគ្រោះដ៏គួរឱ្យកត់សម្គាល់ ដោយវាបានដាំក្បាលចុះរួមជាមួយនឹងភាគហ៊ុនរបស់ប្រទេសចិន ខណៈប្រាក់យ័នបានធ្លាក់ថ្លៃចំនួន៣សប្តាហ៍ជាប់ៗគ្នា និងបានធ្លាក់ថ្លៃប្រហែល០,៨ភាគរយនៅក្នុងសប្តាហ៍នេះ។
លោក George Davis អ្នកយុទ្ធសាស្រ្តបច្ចេកទេសក្រុមហ៊ុន RBC បានអះអាងថា “បញ្ហាបំណុលរបស់សហរដ្ឋអាមេរិកមិនមែនជាពិដាន តែមួយគត់ដែលយើងកំពុងដោះស្រាយនោះទេ ដោយសារការធ្លាក់ចុះនៃទិន្នន័យសេដ្ឋកិច្ចរបស់ចិនបង្ហាញថា ពិដានសម្រាប់កំណើនក៏អាចនឹងកើតឡើងផងដែរ”៕