ដោយៈ ម៉ាណេត
ភ្នំពេញៈ គម្រោងផ្សារទំនើបបែបសហគមន៍ (Community Mall) ចំនួន២ត្រូវបានបញ្ចប់ការសាងសង់នៅក្នុងត្រីមាសទី៣ ឆ្នាំ២០២០នេះ ដែលបានធ្វើឱ្យទំហំនេះ កើនឡើងដល់ ២១,៨០០ ម៉ែត្រការ៉េ ខណៈគម្រោងផ្សារទំនើបចំនួន៣បន្ថែមទៀត ដែលមានទំហំ២២.៧៤៨ម៉ែត្រការ៉េ ត្រូវបានរំពឹងថានឹងសាងសង់បញ្ចប់ នៅក្នុងបំណាច់ឆ្នាំ២០២០ខាងមុខនេះ។
យោងតាមរបាយការណ៍របស់ក្រុមហ៊ុន CBRE Cambodia ចេញផ្សាយកាលពីពេលថ្មីនេះបង្ហាញថា គម្រោងផ្សារទំនើបបែបសហគមន៍ (Community Malls) ចំនួន ២ រួមមានផ្សារទំនើប The One Mall និង 313 Quayside ដែលផ្សារទាំងពីរនេះបន្ថែមដល់ ២១,៨០០ម៉ែត្រការ៉េ ស្មើនឹង២៦.១ភាគរយ ក្នុងចំណោមកផ្សារទាំងអស់ និងប្រមាណ ៦.០៩ ភាគរយ ចូលទៅក្នុងការផ្គត់ផ្គង់ផ្សារទំនើបនៅក្នុងត្រីមាសទី៣នេះ។
របាយការណ៍ដដែលបន្តថា ជាមួយគ្នានេះ ក៏មានគម្រោងផ្សារទំនើបចំនួន៣បន្ថែមទៀត ដែលមានទំហំ២២.៧៤៨ ម៉ែត្រការ៉េត្រូវបានរំពឹងថា នឹងសាងសង់បញ្ចប់នៅក្នុងបំណាច់ឆ្នាំ២០២០ នេះ ខណៈដែលគ្មានគម្រោងផ្សារទំនើបថ្មីណាមួយ សម្ពោធដាក់ចូលទៅក្នុងទីផ្សារនោះទេ។
ក្រុមហ៊ុន CBRE Cambodia បញ្ជាក់ទៀតថា ចំនួនគម្រោងផ្សារទំនើបផ្សេងទៀត ដែលនឹងត្រូវរំពឹងថា នឹងងបញ្ចប់ការសាងសង់ក្នុងឆ្នាំចុងឆ្នាំ២០២០នេះ ត្រូវបានពន្យាពេល ដោយសារបង្ករឡើង ដោយការរីករាលដាលជាសកលនៃជំងឺកូវីដ ១៩ ហើយតាមការប៉ាន់ស្មាន ទីតាំងផ្សារទំនើបចំនួន៤០,០០០ម៉ែត្រការ៉េ នឹងត្រូវប្តូរទៅការផ្គត់ផ្គង់ឆ្នាំ ២០២១ខាងមុខ។
តែយ៉ាងណាក៏ដោយ នៅក្នុងអំឡុងត្រីមាសទី ៣ ឆ្នាំ ២០២០នេះ សម្រាប់ការជួលនៅក្នុងផ្សារទំនើបបែបសហគមន៍នេះ (Community Mall) បានធ្លាក់ចុះពី០.៣៦ ភាគរយ ដែលមានតម្លៃត្រឹមតែ២២.១៥ដុល្លារអាមេរិក នៅក្នុងមួយម៉ែទ្រការ៉េសម្រាប់រយៈពេលក្នុងមួយខែ ។
ក្រុមហ៊ុន CBRE Cambodia បានពន្យល់ថា ការធ្លាក់ចុះនេះ ទំនងជាមានកំណើននៃការប្រកួប្រជែងច្រើន នៅក្នុងវិស័យនេះ និងកន្លែងខ្លះក៏មានការផ្គង់ផ្គង់ លើសតម្រូវការប្រមាណ៥០ភាគរយ អស់រយៈពេល៦ខែកន្លងមកនេះ៕