ដោយ៖ ម៉ាណេត
ភ្នំពេញ៖ វិស័យធនាគារបន្តមានវឌ្ឍនផាពប្រកដោយទំនុកចិត្ត និងបានរួមចំណែកយ៉ាងយ៉ាងកម្មក្នុងការគាំទ្រសកម្មភាពសេដ្ឋកិច្ច ខណៈគ្រឹះស្ថានធនាគារ និងហិរញ្ញវត្ថុមានសុខភាពរឹងមាំ។ នេះបើយោងតាមលើកឡើងរបស់ របាយការណ៍សង្ខេបលទ្ធផលការងាររបស់ធនាគារជាតិនៃកម្ពុជា ប្រចាំឆមាសទី១ និងដាក់ទិសដៅសម្រាប់ការងារឆមាសទី២ ឆ្នាំ២០២០នេះ។
របាយការណ៍ខាងលើ ដែលគេទំព័រ Propertyarea.asia ទទួលបាននៅថ្ងៃទី៩ ខែកក្កដា ឆ្នាំ២០២០ បានឱ្យដឹងថា វិស័យធនាគារបន្តមានវឌ្ឍនផាពប្រកដោយទំនុកចិត្ត និងបានរួមចំណែកយ៉ាងយ៉ាងកម្មក្នុងការគាំទ្រសកម្មភាពសេដ្ឋកិច្ច ដោយឥណទានបានបន្តកើន ១៩,៦ ភាគរយ ហើយប្រាក់បញ្ញើកើន ១២,៣ ភាគរយ។
របាយការណ៍ បានឱ្យដឹងថា គ្រឹះស្ថានធនាគារ និងហិរញ្ញវត្ថុមានសុខភាពរឹងមាំ ហើយបានពង្រីកបណ្តាញប្រតិបត្តិការ និងសេវាហិរញ្ញវត្ថុជាលំដាប់ និងបានលើកកម្ពស់បរិយាបន្នហិរញ្ញវត្ថុឱ្យកើនឡើង ប្រកមដោយចីរភាព។
ជាមួយនឹងការរីកចម្រើននៃបច្ចេកវិទ្យាហិរញ្ញវត្ថុ ប្រព័ន្ធទូទាត់សង់ប្រាក់ត្រូវបានធ្វើទំនើបកម្ម ឱ្យកាន់តែមានប្រសិទ្ធភាព សុវត្ថិភាព និងតម្លៃសមរម្យ ដោយបានដាក់ឱ្យប្រើប្រាស់នូវប្រព័ន្ធទូទាត់អេឡិចត្រូនិកទាំងទូទាត់តម្លៃរាយ និងដុំ ជាពិសេស ប្រព័ន្ធបាគង និងប្រព័ន្ធរីថែលថេ ដែលដាក់ឱ្យដំណើរការជាផ្លូវការក្នុងពេលខាងមុខឆាប់ៗខាងមុខ ហើយស្តង់ដា QR កូដ រួមនឹងបង្កើតឡើងក្នុងគោលដៅសម្រួលដល់ការទូទាត់ឆ្លងគ្នារវាងគ្រឹះស្ថានផ្តល់សេវាទូទាត់ និងការអនុវត្តគម្រោងភ្ជាប់ការទូទាត់ជាមួយប្រទេសក្នុងតំបន់។
ធនាគារជាតិនៃកម្ពុជាបានគ្រប់គ្រងចរាចរណ៍សាច់ប្រាក់ប្រកដដោយប្រសិទ្ធភាព និងសុវត្ថិភាព ដើម្បីបំពេញសេចក្តីត្រូវការរបស់ប្រជាជនទូទាំងប្រទេស។ ការប្រើប្រាស់ប្រាក់រៀល បានកើនឡើងគួរឱ្យកត់សម្គាល់នាឆ្នាំ២០១៩ និងដើមឆ្នាំ២០២០នេះ ដែលឆ្លុះបញ្ចាំង ដោយកំណើនរូបិយវត្ថុក្នុងចរចរណ៍ (៣៦,៤ភាគរយ) និងកំណនសមាមាត្រឥណទានជារៀលដល់ ១៣ ភាគរយ នៃឥណទានសរុប។
ស្របតាមគោលនយោបាយលើកកម្ពស់ការប្រើប្រាស់ប្រាក់រៀល ក្រដាសប្រាក់ចាស់ ទក់ និងរហែក ត្រូវបានប្រមូល និងជំនួសមកវិញដោយក្រដាសប្រាក់រៀលថ្មី ដែលមានសោភ័ណភាព និងគុណភាពខ្ពស់។
យោងតាមការព្យាករណ៍របស់រាជរដ្ឋាភិបាល កំណើនសេដ្ឋកិច្ចកម្ពុជានៅ២០២០ អាចធ្លាក់ចុះដល់ -១,៩ ភាគរយ ប៉ុន្តែអាចងើបឡើងមកវិញនៅឆ្នាំ២០២១ នៅអត្រា ៣,៥ ភាគរយ ប្រសិនបើការរីករាលដាលនៃជំងឺកូវីដ១៩ត្រូវបានទប់ស្កាត់ប្រកបដោយប្រសិទ្ធភាព។
ទោះយ៉ាងណា ពិភពលោកនៅប្រឈមនឹងភាពមិនច្បាស់លាស់ខ្លាំងពាក់ព័ន្ធនឹងការទប់ស្កាត់នេះ។ នៅចំពោះមុខបញ្ហាទាំងនេះ ធនគារជាតិនៃកម្ពុជានឹងបន្តអនុវត្តវិធានការគាំទ្រតាមការចាំបាច់ ស្របតាមគោលនយោបាយរបស់រដ្ឋាភិបាល សំដៅរក្សាស្ថិរភាពម៉ាក្រូសេដ្ឋកិច្ច និងហិរញ្ញវត្ថុ រក្សាលំនឹងសង្គម-សេដ្ឋកិច្ច និងជំរុញកំណើនសេដ្ឋកិច្ច៕