ដោយជេននី
បាងកកៈ ស្ថានីយ៍រថភ្លើង ទើបតែបញ្ចប់ការសាងសង់រួចមួយកន្លែង នៅក្នុងទីក្រុងបាងកក ដែលចំណាយថវិកាប្រមាណ៣០០០លានដុល្លារ ត្រូវបានពន្យាពេលថ្ងៃបើកដំណើរការប្រើប្រាស់។ នេះបើតាមឱ្យដឹងពីក្រុមហ៊ុនផ្លូវដែករដ្ឋថៃ។
ស្ថានីយ៍រថភ្លើង Bang Sue នេះ កាលពីដើមគឺកំណត់បើកនៅក្នុងដើមឆ្នាំនេះ ដែលបច្ចុប្បន្ន ត្រូវពន្យាពេលរហូតដល់ខែកក្កដា ឆ្នាំ២០២១ ដោយសារគម្រោងនេះមិនមានភាពច្បាស់លាស់ថា បញ្ចប់ទាន់ពេលវេលាឬយ៉ាងណា។
ស្របពេលនឹងការបើកដំណើរការនេះ នឹងចាប់ផ្តើមសេវាដឹកជញ្ជូនថ្មី ដោយភ្ជាប់កណ្តាលទីក្រុងបាងកក ជាមួយនឹងខេត្តរ៉េសស៊ីត នៅជាយក្រុងភាគខាងជើងនៃទីក្រុង។ ខ្សែរថភ្លើងនេះត្រូវបានគេរំពឹងថា នឹងបន្ធូរបន្ថយការកកស្ទះចរាចរណ៍ នៅទីក្រុងបាងកក ជាពិសេសក្នុងពេលមមាញឹក ប៉ុន្តែការពន្យាពេលមិនច្បាស់លាស់ បានរុញច្រានការចាប់ផ្តើមនៃស្ថានិយ៍ Bang Sue ។
ស្ថានីយថ្មីនេះ នឹងជំនួសស្ថានីយ៍ហាំឡាមផុង ដែលមានអាយុកាលរាប់សតវត្សរ៍ដែលជាស្ថានីយសំខាន់។ Bang Sue ត្រូវបានគេគ្រោងធ្វើជាមជ្ឈមណ្ឌល សម្រាប់រថភ្លើងកម្រិតមធ្យម និងផ្លូវឆ្ងាយក៏ដូចជាខ្សែរថភ្លើងក្នុងស្រុក។
រដ្ឋាភិបាលថៃបានផ្តល់ថវិកាចំនួន១០០ ពាន់លានបាត (៣,១ ពាន់លានដុល្លារ) សម្រាប់ស្ថានីយ៍ថ្មី និងខ្សែរថភ្លើងក្រហម ប៉ុន្តែផ្លូវដែករដ្ឋកំពុងស្នើសុំថវិកាចំនួន១០ពាន់លានបាតបន្ថែមទៀត។
ការស្ថាបនាស្ថានីយ៍និងទីធ្លាផ្លូវដែក ត្រូវបានបញ្ចប់ក្នុងទឹកប្រាក់ចំនួន៣៤ពាន់លានបាត ដោយការវិនិយោគរួមគ្នារវាងក្រុមហ៊ុនម៉ៅការធំៗ ពីរគឺសំណង់វិស្វកម្មចិន – ថៃសំណង់ និងវិស្វកម្មប្លែក។
ថៃអភិវឌ្ឍន៍បានសាងសង់ស្ថានីយ៍ចំនួន៨ និងមូលដ្ឋានគ្រឹះសម្រាប់ផ្លូវដែកប្រវែង ២០គីឡូម៉ែត្រ ក្នុងតម្លៃ៣០ពាន់លានបាត។
ស្ថានីយ៍ថ្មី និងខ្សែដឹកអ្នកដំណើរគឺគ្រាន់ តែជាគម្រោងផ្លូវដែកមួយចំនួនដែលប្រទេសថៃបាន និងកំពុងអនុវត្តន៍ នៅក្នុងប្រទេសសេដ្ឋកិច្ចធំជាងគេទី២ នៅអាស៊ីអាគ្នេយ៍មួយនេះ។ សម្ព័ន្ធក្រុមហ៊ុនដែលដឹកនាំដោយក្រុមហ៊ុន Charoen Pokphand Group ធំជាងគេរបស់ប្រទេសថៃ កំពុងសាងសង់ខ្សែរថភ្លើងល្បឿនលឿន តភ្ជាប់ព្រលានយន្តហោះធំៗ ចំនួន៣ គឺដនមឿង សុវណ្ណភូមិ និង U-tapao ។
ផ្លូវដែកប្រវែង២២០គីឡូម៉ែត្ររបស់ប្រទេសនេះ ត្រូវបានគេរំពឹងថា នឹងដំណើរការនៅឆ្នាំ២០២៦ និងរួមបញ្ចូលទាំងស្ថានីយBang Sue ផងដែរ៕ Nikkei Asian៕