ដោយលក្ខិណា
ភ្នំពេញៈ កិច្ចព្រមព្រៀងពាណិជ្ជកម្មសេរី រវាងកម្ពុជា និងចិន ដែលបានបញ្ចប់ការចរចាថ្មីៗទៅនេះ បានឈានដល់ការចុះហត្ថលេខា ចូលជាធរមានជាផ្លូវការនៅថ្ងៃទី១២ តុលា២០២០ ក្រោមអធិបតីភាពសម្ដេចអគ្គមហាសេនាបតីតេជោហ៊ុន នាយករដ្ឋមន្ត្រីនៃព្រះរាណាចក្រកម្ពុជា និងលោក វ៉ាង យី ទីប្រឹក្សារដ្ឋនិងជារដ្ឋមន្ត្រីការបរទេសនៃសាធារណរដ្ឋប្រជាមានិតចិន។
នេះបើយោងតាមសេចក្តីប្រកាសមួយរបស់ក្រសួងការបរទេស និងកិច្ចសហប្រតិបត្តិការអន្តរជាតិកម្ពុជា នៅចុងសប្ដាហ៍នេះ។
ក្នុងសេចក្តីប្រកាសព័ត៌មានរបស់ក្រសួងការបរទេស និងកិច្ចសហប្រតិបត្តិការអន្តរជាតិកម្ពុជាបានអោយដឹងថានៅ ថ្ងៃទី១២តុលា២០២០នេះដែរ សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញធ្វើជាសាក្សីក្នុងពិធីចុះហត្ថលេខាលើកិច្ច ព្រមព្រៀងពាណិជ្ជកម្មសេរីកម្ពុជា-ចិន និងឯកសារសំខាន់២ទៀតរួមមានលិខិតប្តូរសារស្តីពី ការសិក្សាសមិទ្ធិលទ្ធភាព គម្រោងធ្វើអោយប្រសើរឡើងមន្ទីរពេទ្យបង្អែកខេត្តព្រះសីហនុ និងលិខិតប្តូរសារស្តីពីការសិក្សា សិទ្ធលទ្ធភាពគម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធលូ និងប្រព្រឹត្តិកម្មទឹកកខ្វក់នៅខេត្តព្រះសីហនុ ។
សម្រាប់កិច្ចប្រមព្រៀងពាណិជ្ជកម្មសេរីកម្ពុជា-ចិន ដែលចុះហត្ថលេខានៅថ្ងៃទី១២តុលា២០២០នេះ នឹងរួមចំណែកដល់ទំហំពាណិជ្ជកម្មរវាងប្រទេសទាំងពីរ កម្ពជា ចិនកាន់តែច្រើនថែមទៀត ហើយកម្ពុជានឹងអាចនាំចេញទំនិញទៅកាន់ប្រទេសចិនបានកាន់តែច្រើន ព្រមទាំងអាចទាញវិនិយោគិន ពីប្រទេសចិនមកវិនិយោគនៅកម្ពុជាបន្ថែមទៀត ។
ពិសេសនោះទេសចរណ៍ចិន នឹងអាចមកកាន់កម្ពុជាកាន់តែច្រើនឡើង ខណៈបច្ចុប្បន្ននេះ ចិនបានឈរលំដាប់ទី១ស្រាប់ហើយក្នុងការវិនិយោគនិងទេសចរណ៍៕
