ដោយ ជេននី
ភ្នំពេញៈ ទីផ្សារជួលនៅកម្ពុជាគឺជាការចូលរួមចំណែកដ៏សំខាន់ ក្នុងការធ្វើឱ្យទីផ្សារអចលនទ្រព្យនៅកម្ពុជាមានការកើនឡើង។
វាមិនត្រឹមតែទាក់ទាញអ្នកជួលបរទេសប៉ុណ្ណោះទេ ប៉ុន្តែវាក៏ជួយសម្រួលដល់ការកើនឡើងនៃចំនួនប្រជាជនកម្ពុជា ដែលមកពីជនបទកំពុងស្វែងរកកន្លែងរស់នៅ ក្នុងទីក្រុងនានាដូចជារាជធានីភ្នំពេញជាដើម។
ផ្អែកលើនិន្នាការទីផ្សារអចលនទ្រព្យកម្ពុជាបានឲ្យដឹងថា អ្នកជួលចាប់អារម្មណ៍តម្លៃសមរម្យជាងមុន។ ច្បារអំពៅឈរនៅលើគេ ក្នុងបញ្ជីតម្លៃជួលមធ្យម ព្រោះតំបន់នេះទើបតែចាប់ផ្តើមមើលឃើញពីការអភិវឌ្ឍ ជាពិសេសពីគម្រោងលំដាប់ខ្ពស់។ គិតត្រឹមខែសីហាឆ្នាំ២០២០ ខណ្ឌពោធិ៍សែនជ័យ និងសែនសុខ គឺជាកន្លែងដ៏ល្អសម្រាប់អ្នកដែលចង់ជួលនៅភ្នំពេញ។
សែនសុខគឺជាសង្កាត់មួយនៅភាគខាងជើង ដែលផ្តល់ជូននូវភាពងាយស្រួលក្នុងទីក្រុង ព្រោះវានៅជិតតំបន់ទួលគោក។ សង្កាត់នេះ ក៏ជាកន្លែងដែលមានផ្សារទំនើបអ៊ីអនម៉ល ២ ដែលជាផ្សារទំនើបធំជាងគេនៅភ្នំពេញ។ មានទីប្រជុំជនបើកចំហ និងធំទូលាយ ផ្តល់ឱ្យតំបន់នេះ នូវសក្តានុពលដ៏ធំធេង សម្រាប់ការអភិវឌ្ឍលំនៅដ្ឋាន និងពាណិជ្ជកម្មនាពេលអនាគត។
ខណ្ឌពោធិ៍សែនជ័យ គឺជាខណ្ឌភាគខាងលិចនៃរាជធានីភ្នំពេញ ដែលជាតំបន់អាកាសយានដ្ឋានអន្តរជាតិភ្នំពេញ ហើយកាលពីថ្មីៗនេះ ប្រែក្លាយបណ្តុំបុរី។ នៅពេលដែលតម្លៃអចលនទ្រព្យ នៅកណ្តាលទីក្រុងបានឡើងថ្លៃ ប្រជាជនកម្ពុជាកាន់តែច្រើនបានចាប់ផ្តើមរស់នៅក្នុងតំបន់ជាយក្រុង។
ទន្ទឹមនេះ ខណ្ឌពោធិសែនជ័យគឺជាផ្នែកមួយ នៃជម្រើសសម្រាប់ការរស់នៅជាយក្រុង។ ប៉ុន្តែនៅពេលដែលការពង្រីក នៅខាងក្រៅរាជធានីភ្នំពេញនៅតែបន្ត អ្នកអភិវឌ្ឍន៍អាផាតម៉ិន / ខុនដូ បានចាប់ផ្តើមសម្លឹងមើលទៅខណ្ឌពោធិ៍សែនជ័យ ដើម្បីទទួលបានឱកាសអភិវឌ្ឍន៍ថ្មី៕
