ខុន​ដូ​ប្រណីត​កណ្តាល​រាជធានី​តម្លៃ​សម​រម​ម្យ​ជាងគេ​កំពុង​ទាក់ទាញ​ចំណាប់អារម្មណ៍​ពី​ប្រជាពលរដ្ឋ​ខ្មែរ

ដោយៈ សុវណ្ណារ៉ា

ភ្នំពេញៈ ស្ថិតនៅតាម​បណ្តោយ​ផ្លូវ​ព្រះមុនីវង្ស ដែលជា​បណ្តុំ​មជ្ឈមណ្ឌល​ពាណិជ្ជកម្ម​នៅ​កណ្តាល​រាជធានី​ភ្នំពេញ គម្រោង​ខុន​ដូ​ប្រណីត AGILE SKY RESIDENCE ដែល​កំពុង​បន្តដំណើរ​ការសាងសង់​យ៉ាងសកម្ម បាននិងកំពុង​ទាក់ទាញ ចំណាប់អារម្មណ៍​ពី​សំណាក់​អតិថិជន​ជាច្រើន ដែល​ក្នុងនោះ​មាន​ជនជាតិខ្មែរ​ច្រើនជាង​បរទេស។

មានប្រសាសន៍​នៅក្នុង​ពិធី​អបអរសាទរ ចំពោះ​ភាពជោគជ័យ​របស់​គម្រោង​ខុន​ដូ​ប្រណីត AGILE SKY RESIDENCE នា​រសៀល​ថ្ងៃទី២៦ ខែកញ្ញា ឆ្នាំ២០២០ នៅ​ទៅ​ស្នាក់​ការលក់​គម្រោង លោកស្រី​កែវ សុចិ​ន្តា ដែលជា​អតិថិជន​មួយរូប​ក្នុងចំណោម​អតិថិជន​ជាច្រើន​នាក់​ទៀត​បាន​មានប្រសាសន៍​ប្រាប់ថា “ខ្ញុំ​ទិញ​គម្រោង​ខុន​ដូ​ប្រណីត​មួយចំនួន​ចំនួន ១យូ​នី​ត នៅ​ជា​ន់ទី៣១ ដែល​នឹង​អាច​មើលឃើញ​ទេសភាព ក្នុង​រាជធានី​ភ្នំពេញ​បាន​យ៉ាងច្បាស់​នៅពេល​ស្នាក់នៅ ជាពិសេស​ទេសភាព​ដ៏​ស្រស់ស្អាត​នៅពេល​យប់” ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

អ្នកស្រី​បាន​បន្ត​ឲ្យ​ដឹងថា ដំបូង​ឡើយ​លោកស្រី មិនមាន​បំណង​ទិញ​ខុន​ដូ​នោះទេ ដោយសារតែ​ខុន​ដូ នៅ​កណ្តាល​រាជធានី​ភ្នំពេញ​ភាគច្រើន សុទ្ធតែ​មានតម្លៃ​ថ្លៃ ប៉ុន្តែ​វា​ជា​រឿង​ដ៏​គួរឱ្យភ្ញាក់ផ្អើល ចំពោះ​គម្រោង​ខុន​ដូ​ប្រណីត AGILE SKY RESIDENCE ដែល​ក្រៅពី​ស្ថិតនៅ​ចំ​កណ្តាល​រាជធានី​ភ្នំពេញ ទីតាំង​ល្អ និង​លក់​ក្នុងតម្លៃ​សមរម្យ ថែមទាំង​ផ្តល់នូវ​លក្ខខណ្ឌ ក្នុងការ​បង់ប្រាក់​យ៉ាង​ងាយស្រួល ជាពិសេស​ប្រាក់​កក​ដំបូង​ត្រឹមតែ​ប្រមាណ ១០ភាគរយ​តែប៉ុណ្ណោះ ក៏​អាច​ក្លាយជា​ម្ចាស់​ខុន​ដូ​ប្រណីត​មួយ​នេះ​បានដែរ។

ចំណែក​លោកស្រី​តាំង ហួរ នាយិកា​ក្រុមហ៊ុន​អចលនទ្រព្យ AMATAK Property Service ដែលជា​អតិថិជន​របស់​គម្រោង​ខុន​ដូ​ប្រណីត AGILE SKY RESIDENCE ម្នាក់​ផងដែរ​នោះ បាន​មានប្រសាសន៍​បង្ហាញ ពី​ចំណាប់អារម្មណ៍​របស់ខ្លួន​ផងដែរ​ថា “នេះ​ជា​គម្រោង​ដ៏​ល្អ​បំផុត និង​ស័​ក្ដ​សម​សម្រាប់​អ្នក ដែល​ចង់​ផ្លាស់ប្ដូរ​បទពិសោធន៍​ការរស់នៅ​បែប​ទាន់សម័យ ខណៈដែល​តម្លៃ​លក់​នៅលើ​ទីផ្សារ នៃ​គម្រោង​មួយ​នេះ មាន​ភាពសមរម្យ បើ​ប្រៀបធៀប​ទៅនឹង​តម្លៃ នៃ​គម្រោង​ខុន​ដូ​ផ្សេងទៀត​ដែល​ស្ថិតនៅ​ទីតាំង​រួមគ្នា។

លោកស្រី​បន្តទៀតថា “តាម​ការសង្កេត​ឃើញរ​បស់​ខ្ញុំ បច្ចុប្បន្ននេះ​ប្រជាជន​ខ្មែរ​មួយចំនួន​បាន​យល់ដឹង​ពី​ទីផ្សារ និង​សារសំខាន់​នៃ​ការ​ស្នាក់​នៅក្នុង​អគារ​សហកម្មសិទ្ធិ ឬ​ហៅថា​ខុន​ដូ​នេះ​ច្រើនជាង​មុន” ។ លោកស្រី​បន្តថា “ពីមុន​ភាគច្រើន​គេ​តែង​និយាយថា មានតែ​ជនជាតិ​បរទេស​តែប៉ុណ្ណោះ ដែល​ចូលចិត្ត និង​និយម​រស់នៅក្នុង​ខុន​ដូ ប៉ុន្តែ​ពេលនេះ ពួកគាត់​បានដឹង​ពី​សារប្រយោជន៍​នៃ​ការ​រស់នៅក្នុង​ខុន​ដូ” ។

នៅពេល​គាត់​រស់នៅក្នុង​ខុន​ដូ ក្រៅពី​បង្ហាញ​ពី​ភាព​រស់នៅ​បែប​ស៊ី​វិ​ល័យ គឺ​ពួកគាត់​មាន​ភាពងាយស្រួល​ជាច្រើន​ទៀត ដូចជា ស្ថិតនៅ​ជិត​កន្លែង​ដែល​គាត់​ធ្វើការ ប្រកប​អាជីវកម្មផ្សេងៗ ជាពិសេស​កាត់បន្ថយ​ពេលវេលា​ក្នុងការ​ធ្វើដំណើរ” ។

លោកស្រី តាំង ហួរ បាន​បញ្ជាក់ថា “ក្រៅពី​អត្ថប្រយោជន៍​ខាងលើនេះ នៅក្នុង​ខុន​ដូ​មាន​ប្រមូលផ្តុំ​ទៅដោយ​សេវា​ជាច្រើន​ទៀត ដូចជា សេវាកម្ម​ផ្នែក​ថែរក្សា​អនាម័យ អាហា​រដ្ឋា​ន ក្លឹប​ហាត់ប្រាណ កន្លែង​ស្ទី​ម សូ​ណា រួម​ជាមួយនឹង​សេវាកម្មផ្សេងៗទៀត ដែល​ក្នុងនោះ​រួមបញ្ចូល​ទាំង​ទីកន្លែង​សុវត្ថិភាព ចំណត​យានយន្ត​ផងដែរ។ ក្រៅពីនេះ​ការទិញ​ខុន​ដូ​យើង​អាច​ស្នាក់នៅ ឬ​ជួល​ឱ្យគេ​បាន និង​ងាយស្រួល​រក​អ្នក​ជួល ដោយ​យើង​អាចឱ្យ​អ្នកគ្រប់គ្រង​សហគមន៍​រួម​របស់​យើង ដាក់​ជួល​បាន​លឿន ប្រសិនជា​យើង​ទិញ​នៅ​គំរោង​ដែលមាន​ទីតាំង​ល្អ។

ជាមួយគ្នានេះ ប្រាក់ចំណេញ​ពី​ការវិនិយោគ (Return on Investment) អ្នកទិញ​ខុន​ដូ​អាច​ជួល​ផ្ទះ​បាន​ចន្លោះ​ពី៨ទៅ១០ភាគរយ​ប្រចាំឆ្នាំ ផ្ទុយទៅវិញ​បើ​យើង​ទិញ​ផ្ទះ​ធម្មតា យើង​អាច​ទទួលបាន​ប្រាក់ចំណូល នៃ​ការវិនិយោគ​តែ៤ទៅ៥ភាគរយ នៃ​តម្លៃ​ផ្ទះ​ប៉ុណ្ណោះ​ក្នុង​មួយឆ្នាំ” ។

នាយិកា​ផ្នែក​លក់​របស់​ក្រុមហ៊ុន​ភ្នាក់ងារ CSA ដែល​ទទួល​សិទ្ធិ​ក្នុង​ការលក់​គម្រោង​ខុន​ដូ​ប្រណីត AGILE SKY RESIDENCEបាន​មានប្រសាសន៍ថា AGILE SKY RESIDENCE ជា​គម្រោង​ដ៏​ល្អ​បំផុត និង​ស័​ក្ដ​សម​សម្រាប់​អ្នក ដែល​ចង់​ផ្លាស់ប្ដូរ​បទពិសោធន៍​ការរស់នៅ​បែប​ទាន់សម័យ ខណៈដែល​តម្លៃ​លក់​នៅលើ​ទីផ្សារ នៃ​គម្រោង​មួយ​នេះ​មាន​ភាពសមរម្យ បើ​ប្រៀបធៀប​ទៅនឹង​តម្លៃ​នៃ​គម្រោង​ខុន​ដូ​ផ្សេងទៀត ដែល​ស្ថិតនៅ​ទីតាំង​រួមគ្នា។

អ្នកស្រី​បន្តថា “នៅ​តំបន់​ដែល​គម្រោង AGILE SKY RESIDENCE កំពុង​សាងសង់​នៅពេលនេះ ស្ថិតនៅ​ចន្លោះ​បឹង​កេងកង១ បឹង​កេងកង៣ ដែលជា​តំបន់​មាន​សក្ដានុពល​ជាងគេ​នៅក្នុង​រាជធានី​ភ្នំពេញ ក្នុងនាម​ជា​មជ្ឈមណ្ឌល​ពាណិជ្ជកម្ម ពិសេស​ប្រចាំ​កម្ពុជា។ ដោយឡែក​ពាក់ព័ន្ធ​ទៅនឹង​តម្លៃ ដែល​ត្រូវបាន​ដាក់លក់​នៅលើ​ទីផ្សារ និង​កំពុង​ទទួលបាន​ការចាប់​អារម្មណ៍​យ៉ាងខ្លាំង ពី​សំណាក់​អតិថិជន​ដែល​ភាគច្រើន ជា​ជនជាតិខ្មែរ​នោះ​គឺ​ត្រឹម ១៨០០ដុល្លារ​ក្នុង​មួយ​ម៉ែត្រការ៉េ​តែប៉ុណ្ណោះ ហើយ​តម្លៃ​នេះ​នឹង​បន្ត​ឡើងថ្លៃ​បន្ថែមទៀត ដែល​កាន់តែ​ជា​ឱកាស​ចំណេញ​យ៉ាងច្រើន សម្រាប់​អតិថិជន​នៅពេល​បច្ចុប្បន្ន។ នៅក្នុង​រយៈពេល​ជាង២សប្ដាហ៍ ពួកយើង​លក់បាន​រហូតដល់​ទៅ​ជាង ៨០យូ​នី​តទៅ​ហើយ” ។

អគារ​ខុន​ដូ​ដ៏​ទំនើប AGILE SKY RESIDENCE មាន​កម្ពស់ ៤៤ជាន់ ស្មើនឹង ៩៦៣យូ​នី​ត ដោយ​ត្រូវ​ចំណាយ​រយៈពេល​សាងសង់​ចំនួន៣ឆ្នាំ និង​មាន​បំពាក់​ទៅដោយ​សម្ភារ​បរិក្ខារទំនើបៗ និង​ទី​កម្សាន្ត​នានា​ជាច្រើន ដើម្បី​ផ្តល់ជូន​នូវ​ផាសុកភាព​ដល់​ការរស់នៅ​បែប​ទាន់សម័យ រួម​ជា​ដូចជា សួនច្បារ Sky Garden ចំនួន៤ មាន​កន្លែង​ហាត់ប្រាណ មាន​ហាង​កាហ្វេ មាន​មណ្ឌល​កម្សាន្ត​សម្រាប់​កុមារ បណ្ណាល័យ រួមជាមួយ​នឹង​ផ្សារ​ទំនើប​ផងដែរ៕

LEAVE A REPLY

Please enter your comment!
Please enter your name here