ដោយ៖ ម៉ាណេត
ភ្នំពេញ៖ ការផ្គូរផ្គងអាជីវកម្មតាមអនឡាញ បានបង្កើតប្រាក់ចំណូលពីការលក់ ដែលមានតម្លៃប្រមាណ ១០០លានបាត (ប្រមាណ ៣.១៨ លានដុល្លារ) សម្រាប់សហគ្រាសធុនតូច និងមធ្យម (ធុនតូចនិងមធ្យម)។ នេះបើយោងតាមការប្រភពមួយ ធានាគារថៃ Exim Bank។
ប្រភពពីធនាគារ Exim Bank ដែលមិនបញ្ចេញឈ្មោះ បាននិយាយថា គម្រោង Global Business Matching 2020 ដែល Exim Bank បានជួយសម្របសម្រួលកាលពីដើមខែសីហា បានបង្កើតប្រាក់ចំណូលពីការលក់មានប្រហែល ១០០លានបាតពីដៃគូអាជីវកម្មចំនួន ១១៨ នៃសហគ្រាសធុនតូច និងមធ្យមថៃចំនួន៤៥ និងប្រតិបត្តិករអាជីវកម្មចំនួន ៦០ មកពីប្រទេសកម្ពុជា ឡាវ មីយ៉ាន់ម៉ា និងវៀតណាម។ .
ប្រាក់ចំណូលនៃការលក់ភាគច្រើនបានមកពីអាជីវកម្មចំណីអាហារ និងភេសជ្ជៈ។
ប្រភពបាននិយាយថា ទំនិញភាគច្រើនផលិតដោយសហគ្រាសធុនតូច និងមធ្យមរបស់ថៃគឺជាផលិតផលកសិកម្ម ដែលជាចំណុចខ្លាំងមួយនៃសមត្ថភាពផលិតកម្មរបស់ប្រទេសថៃ។ តម្លៃផលិតផលកសិកម្ម មានប្រមាណ ១,២ ទ្រីលានបាត ដែលមានប្រហែល ១០ ភាគរយនៃផលិតផលក្នុងស្រុកសរុបរបស់ថៃ។
ផ្អែកលើទិន្នន័យ ដែលប្រមូលបានដោយគណៈកម្មការមូលបត្រថៃ ផលិតផលសរុបរបសសហគ្រាសធុនតូច និងមធ្យមបានកើនឡើងជាមធ្យម ៤,២% ក្នុងមួយឆ្នាំ។
នៅឆ្នាំ ២០១៨ តម្លៃអាជីវកម្មរួមរបស់សហគ្រាសធុនតូច និងមធ្យមមានជាង ៧ ទ្រីលានបាតស្មើនឹង ៤៣% នៃផលិតផលក្នុងស្រុកសរុប និងបង្ហាញពីសារៈសំខាន់របស់ក្រុមហ៊ុនទាំងនេះក្នុងការអភិវឌ្ឍជាតិ៕ BangkokPost
