ដោយៈ ម៉ាណេត
ភ្នំពេញៈ ហិរញ្ញប្បទានគឺជាការផ្ដល់ហិរញ្ញវត្ថុ ការឲ្យខ្ចី ការផ្ដល់ប្រាក់ ការផ្ដល់ទុន ឬ ការផ្ដល់ឲ្យនូវធនធាន សម្រាប់ទ្រទ្រង់ដំណើរការអនុវត្ត គម្រោងធុរកិច្ចណាមួយ។ ដំណើរនៃការធ្វើហិរញ្ញប្បទាន គឺជាប់ពាក់ព័ន្ធទាំងអ្នកផ្ដល់និងអ្នកទទួលឬអ្នកសុំខ្ចី។
ដូច្នេះក្នុងការអនុវត្តជាក់ស្ដែង ពាក្យ ” ហរិញ្ញប្បទាន ” គឺសំដៅដល់ការផ្ដល់ និងការទទួលប្រាក់ឬមូលនិធិ សម្រាប់គាំទ្រដំណើរការគម្រោងធុរកិច្ចអ្វីមួយ។
តាមទស្សនាទានទំនើបពាក្យ “ហិរញ្ញប្បទាន” មានពីរប្រភេទគឺ ហិរញ្ញប្បទានទ្រព្យម្ចាស់ និងហិរញ្ញប្បទានបំណុល (equity financing and debt financing)។ ហិរញ្ញប្បទានទ្រព្យម្ចាស់ គឺសំដៅដល់ការកៀរគរធនធានហិរញ្ញវត្ថុ តាមរយៈការបោះផ្សាយ និងលក់នូងមួលបត្រទ្រព្យម្ចាស់ (equity securities) ដូចជាសន្លឹកហ៊ុន ជាដើម។
ចំណែកឯហិរញ្ញប្បទានបំណុល គឺសំដៅដល់ការកៀរធនធានហិរញ្ញវត្ថុ តាមរយៈការបោះពុម្ពផ្សាយ និងលក់នូវមូលបត្របំណុល (debt securities) ដូចជា សញ្ញាបណ្ណ និង បណ្ណបំណុល ដទៃទៀតនៅក្នុងទីផ្សារហិរញ្ញវត្ថុឬផ្សារទុន៕